Bigg Boss Amardeep: రవితేజ అత్తిలి సత్తిగా అమర్.. గౌతమ్, రతిక లవ్ ఎఫైర్.. శివాజీకి అలా!

Bigg Boss 7 Telugu Day 80 Episode Highlights: బిగ్ బాస్ 7 తెలుగు హౌజ్‌లో కంటెస్టెంట్స్‌కి లంచ్ చేసి పెట్టిన మిసెస్ బిగ్ బాస్ చనిపోయినట్లు పెద్దయ్య తెలిపిన విషయం తెలిసిందే. మిసెస్ బిగ్ బాస్‌ హత్య జరిగే సమయంలో ఆమె వేసుకున్న నెక్లెస్‌ మాయం అయిందని, ఆ మర్డర్‌పై అపాయింట్ చేసిన ఇన్వెస్టిగేట్ ఆఫీసర్స్‌ అమర్ దీప్ అండ్ అర్జున్ దర్యాప్తు చేయాలని టాస్క్ ఇచ్చారు.

తాజాగా బిగ్ బాస్ 7 తెలుగు ఇన్వెస్టిగేషన్ టాస్క్‌కు సంబంధించిన ప్రోమోను విడుదల చేశారు. ఇందులో అమర్ దీప్ పోలీస్ గెటప్‌లో దర్శనం ఇచ్చాడు. పోలీస్ గెటప్‌లో అమర్ కామెడీ పండించాడు. దిస్ ఈజ్ ఇన్‌స్పెక్టర్ ఇంద్రజిత్.. దిస్ ఈజ్ కానిస్టేబుల్ అని అర్జున్ అంటే.. కానిస్టేబుల్ కాదు, నేను మీలాగే ఎస్సై అని చెప్పారని అమర్ అన్నాడు. ఈ ప్రోమోకు విక్రమార్కుడు మూవీలోని రవితేజ అత్తిలి సత్తి పాత్రకు వచ్చే బ్యాక్ గ్రౌండ్‌ మ్యూజిక్‌ ఆకట్టుకుంటోంది.

రవితేజ లెవెల్‌లో అమర్ టాస్కులో కామెడీ పండించినట్లు తెలుస్తోంది. రవితేజలానే అమర్ నడుస్తూ కామెడీ చేశాడు. దానికి బీజీఎమ్ బాగా యాప్ట్ అయింది. లాఠీ తిప్పుతూ మర్డర్ ఇన్వెస్టిగేట్ చేసే విధానం నవ్వించేలా ఉంది. గార్డెన్‌లో పడుకుని ఆలోచించడం, ఆధారాలను తన చేతులతో తాకడం, న్యూస్ రిపోర్టర్లతో మాట్లాడటం వంటివి ఆకట్టుకున్నాయి.

శోభా అండ్ అశ్విని బ్రేకింగ్ కోసం ఎదురుచూసే న్యూస్ రిపోర్టర్స్‌గా చేశారు. ఇక డ్రైవర్‌గా రతిక చేస్తే పనోడిగా గౌతమ్ చేశాడు. రతిక, గౌతమ్ మధ్య టాస్కులో భాగంగా సీక్రెట్‌ లవ్ ఎఫైర్ నడుస్తుంటుంది. రతిక కన్ను కొట్టి పిలుస్తానని చెబితే.. ఏది మరోసారి కొట్టు. బాగా కొడుతున్నావ్ అని గౌతమ్ పులిహార కలిపాడు.

అనంతరం మిసెస్ బిగ్ బాస్ నెక్లెస్ శివాజీకి ఇచ్చి సీక్రెట్ టాస్క్ చేయాల్సిందిగా ఆదేశించారు. అలాగే పల్లవి ప్రశాంత్‌ను కూడా పిలిచి అర్థమైందా అని చెప్పిన బిగ్ బాస్ ఇదే మీకు ఇస్తున్న సీక్రెట్ టాస్క్ అని బాంబ్ పేల్చాడు. ఇలా ఆసక్తికరంగా బిగ్ బాస్ 7 తెలుగు నేటి ఎపిసోడ్ ప్రోమోను కట్ చేశారు.