Bigg Boss Sivaji: అమర్ దీప్‌ను తెగ ఏడిపించిన శివాజీ.. ఇక టైటిల్ గెలవడం కష్టమే!

Bigg Boss 7 Telugu Amar vs Sivaji: బిగ్ బాస్ 7 తెలుగు 12వ వారం కెప్టెన్స్ టాస్క్ నిర్వహించారు. ఇదే ఈ సీజన్‌లో ఆఖరి కెప్టెన్సీ టాస్క్ అని చెప్పాడు బిగ్ బాస్. ఈ పాయింట్ బ్లాక్ టాస్క్‌లో భాగంగా ఒక పెద్ద మెషిన్ గన్‌ని గార్డెన్ ఏరియాలో పెట్టారు. గన్ సౌండ్ వచ్చినప్పుడు ఇద్దరు కంటెస్టెంట్స్ గన్ వద్దకు రావాలి. గోడపై వచ్చిన ఇద్దరి ఫొటోల్లో ఏకాభిప్రాయానికి వచ్చి ఒకరిని తొలగించాలి.

అయితే, కెప్టెన్సీ టాస్క్ అనౌన్స్‌మెంట్ రాగానే తనకు సపోర్ట్ చేయమని శివాజీని కోరాడు అమర్. అన్నా ప్లీజ్, లాస్ట్ కెప్టెన్సీ. మీరందరూ అయ్యారుగా అని వేడుకున్నాడు అమర్. దానికి పోనీ చేద్దాం. నాకు వాడు సపోర్ట్ చేశాడురా లాస్ట్ టైమ్. మాట ఇచ్చినం కదా. పానం పోయినా మాట పోకూడదు కదా అని ప్రిన్స్, ప్రశాంత్‌తో చర్చించి అమర్‌కు మాట ఇచ్చాడు శివాజీ. రేయ్ మాటిచ్చినా. మాట కోసం చచ్చిపోతా పో. నువ్వే కెప్టెన్ అని శివాజీ అన్నాడు.

తీరా కెప్టెన్సీ నుంచి తొలగించే సమయం వచ్చినప్పుడు మాత్రం ప్లేట్ తిప్పేసాడు శివాజీ. ఆఖరుగా కెప్టెన్సీ పోటీ కోసం అమర్, అర్జున్ ఫొటోలు వచ్చాయి. అప్పుడు శోభా, శివాజీ వచ్చి గన్ వద్ద నిల్చున్నారు. అమర్‌కు శోభా సపోర్ట్ చేసింది. అమర్‌కు మాటిచ్చిన శివాజీ మాత్రం మాట తప్పాడు. అర్జున్ వైఫ్ తనను రెండోసారి కెప్టెన్‌గా చూడాలని కోరిందని నాతో చెప్పాడు. తను నా కూతురి లాంటిదే కదా అందుకే నేను అమర్‌ను తప్పిస్తున్నా అని శివాజీ చెప్పాడు.

శివాజీ అలా చెప్పడంతో అమర్ అన్నా ప్లీజ్ అన్నా, దండం పెడతా అన్నా. నా వైఫ్ కూడా నీకు కూతురిలాంటిదే కదా అన్నా. నాకోసం ఏదైనా చేస్తా అన్నావ్ కదా అన్నా. ఇందాక మాట కూడా ఇచ్చావ్ కదా అన్నా, మా అమ్మా నాన్న హ్యాపీగా ఫీల్ అవ్వొద్దా అన్నా అని ఏడుపు మొదలు పెట్టాడు అమర్ దీప్. లాస్ట్ వీక్ అందుకే కదరా నీకు సపోర్ట్ చేశాను. ఇప్పుడంటే వాళ్ల వైఫ్‌ది కోరిక అని శివాజీ తెగేసి చెప్పాడు. దాంతో అమర్ కన్నీళ్లు పెట్టుకున్నాడు.

ఈ టాస్క్‌లో అమర్, శివాజీ మధ్య బాగానే డిస్కషన్ జరిగింది. శోభా కూడా ప్లీజ్ అన్నా అమర్‌కు ఓటు వేయమని చాలానే ప్రాధేయపడింది. నిన్ను ఇప్పటివరకు ఏం అడగలేదు. దండం పెడతా అన్నా. అమర్‌ను గెలిపించు అన్నా అని శోభా అంది. అయినా శివాజీ వినలేదు. దీంతో ఆఖరి నిర్ణయం చెప్పమని బిగ్ బాస్ అడిగాడు. ఇద్దరి అభిప్రాయం వేరుగా చెప్పారు. ఎంత చెప్పినా శివాజీ ఒప్పుకోకపోయేసరికి పక్కకు వెళ్లి కూర్చోని ఏడుస్తూ మాట్లాడాడు అమర్.

మీరే కెప్టెన్లు కండి. మీరే హ్యాపీగా ఉండండి. నేను పనికిమాలినోడిని ఇక్కడ. నేను అడుక్కుని తెచ్చుకోవాలి కెప్టెన్సీ. ఇంత అడుక్కుని తెచ్చుకోవాల్సిన అవసరం నాకు లేదు. ఇచ్చేసి వచ్చేసేయ్ శోభా అని అమర్ అన్నాడు. అలా చాలా సమయం కావడంతో ఈ కెప్టెన్సీ టాస్క్ క్యాన్సిల్ చేస్తున్నట్లు బిగ్ బాస్ ప్రకటించాడు. దాంతో అర్జున్, అమర్ ఫొటోలు కాలిపోయాయి.

ఇదిలా ఉంటే మొదటి నుంచి అమర్‌పై శివాజీ కోపంగానే ఉన్నాడు. ఇన్నాళ్లు ఏం చేసిన శివాజీ కరెక్ట్ అనుకున్నారు. కానీ, ఈసారి అమర్‌ను అలా ఏడిపించడంతో శివాజీపై నెగెటివిటీ పెరిగింది. ఇన్నాళ్లు టైటిల్ విన్నర్ శివాజీనే అనుకున్నారు. కానీ, ఈ ఒక్క ఎపిసోడ్‌తో శివాజీ టైటిల్ రేస్ నుంచి వెనక్కి వెళ్లిపోయాడు. ఇలాగే ఉంటే శివాజీ టైటిల్ గెలవడం కష్టమే అని టాక్.