WhatsApp new feature : ఇక వాట్సాప్​లోనే 'స్టిక్కర్స్​'.. కొత్త ఫీచర్​ వచ్చేస్తోంది!

WhatsApp new feature : కస్టమర్ల కోసం ఎప్పటికప్పుడు కొత్త కొత్త ఫీచర్స్​ను తీసుకొస్తుంది సామాజిక మాధ్యమ దిగ్గజం వాట్సాప్​. ఇక ఇప్పుడు.. ఈ మెటా ఆధారిత సంస్థ మరో కొత్త ఆప్షన్​ను తీసుకురాబోతున్నట్టు తెలుస్తోంది. వాబీటాఇన్ఫో ప్రకారం.. ఈ ఫీచర్​ అందుబాటులోకి వచ్చిన తర్వాత స్టిక్కర్స్​ను ఇక వాట్సాప్​లోనే తయారు చేసుకోవచ్చు! ముందుగా దీని ఐఓఎస్​ వర్షెన్​ లాంచ్​ అవుతుందని సమాచారం.

కొత్త ఫీచర్​ ఇదేనా?

WhatsApp sticker tool : ఈ 'న్యూ స్టిక్కర్​' ఆప్షన్​.. ఛాట్​లోనే అందుబాటులో ఉంటుందని నివేదిక పేర్కొంది. ప్రస్తుతం ఇది అభివృద్ధి దశలోనే ఉన్నట్టు, ఈ ఫీచర్​ ఎలా పనిచేస్తుందనే విషయంపై స్పష్టత లేదని వివరించింది. అయితే.. ఈ ఫీచర్​తో యూజర్లు తమ గ్యాలరీలోని ఫొటోను తీసుకుని ఎడిట్​ చేసుకోవచ్చని స్పష్టం చేసింది. ఇందుకోసం ఛాట్​లో టూల్స్​ ఉంటాయని, వీటితో ఫొటో బ్యాక్​గ్రౌండ్​ను పూర్తిగా తొలగించి స్టిక్కర్లు చేసుకోవచ్చని వెల్లడించింది.

WhatsApp new sticker feature : స్టిక్కర్స్​ కోసం యూజర్లు ప్రస్తుతం థర్డ్​ పార్టీ యాప్స్​ను వినియోగిస్తున్నారు. ఇక ఈ స్టిక్కర్​ ఫీచర్​ అందుబాటులోకి వస్తే.. ఇతర యాప్స్​ అవసరం లేకుండానే ఛాట్​ చేసుకోవచ్చు!

ఈ ఫీచర్​ అభివృద్ధి దశలో ఉండటంతో, దీనిపై పెద్దగా సమాచారం లేదు. రానున్న రోజుల్లో దీనిపై మరింత స్పష్టత వచ్చే అవకాశం ఉంది.

ఇదీ చూడండి:- WhatsApp : మీ పడకగదిలోని మాటలను వాట్సాప్​ వింటోందట.. నిజమేనా?

లాక్​ ఛాట్​ ఫీచర్​ వచ్చేస్తోంది.!

WhatsApp latest features : వాట్సాప్​ కొత్త ఫీచర్​కు సంబంధించి, ఇటీవలే ఒక వార్త బయటకొచ్చింది. 'లాక్​ ఛాట్​' ఫీచర్​ను వాట్సాప్​ తీసుకొస్తున్నట్టు సమాచారం.

"ఛాట్​ లాక్​ను మీ ముందుకు తీసుకొస్తుండటం చాలా ఎగ్జైటింగ్​గా ఉంది. మీ కీలకమైన ఛాట్స్​కు ఇది అదనపు భద్రతను కల్పిస్తుంది," అని వాట్సాప్​ ఓ ప్రకటనలో తెలిపింది.

WhatsApp chat lock feature : ఏదైనా ఛాట్​ను లాక్​ చేస్తే.. అది ఇన్​బాక్స్​లో ఇక కనిపించదు! ఈ ఛాట్​ మరో ఫోల్డర్​కు మారిపోతుంది. ఆ ఫోల్డర్​ను పాస్​వర్డ్​ లేదా ఫింగర్​ప్రింట్​తోనే ఓపెన్​ చేయగలరు. సంబంధిత ఛాట్​ నుంచి ఏదైనా మెసేజ్​ వచ్చినా.. ఆ నోటిఫికేషన్​ ఆటోమెటిక్​గా హైడ్​ అయిపోతుంది.

ఈ లాక్​ ఛాట్​ ఫీచర్​ పూర్తి వివరాలు తెలుసుకునేందుకు ఇక్కడ క్లిక్​ చేయండి.