Mahindra XUV400 EV variants : మూడు వేరియంట్లలో ఎక్స్​యూవీ400 ఈవీ..!

Mahindra XUV400 EV variants : మహీంద్రా ఎక్స్​యూవీ400 ఈవీ.. 2023 జనవరిలో లాంచ్​ కానున్న విషయం తెలిసిందే. తాజాగా.. ఎన్ని వేరియంట్లలో ఈ ఎలక్ట్రిక్​ వెహికిల్​ రాబోతోందన్న విషయంపై వార్తలు బయటకొచ్చాయి. ఆ వివరాలు..

ఎక్స్​యూవీ400 ఈవీ వేరియంట్స్​(అంచనా)..

మహీంద్రా ఎక్స్​యూవీ400 ఈవీ.. మొత్తం మూడు వేరియంట్లలో వస్తున్నట్టు తెలుస్తోంది. వాటి పేర్లు.. బేస్​, ఈపీ, ఈఎల్​ అని ఉండొచ్చు. ఈ కారు ఫీచర్స్​ గురించి ఇంకా పూర్తి వివరాలు అందుబాటులో లేవు. అయితే.. టాప్​ ఎండ్​ మోడల్​లో 7.0 ఇంచ్​ టచ్​స్క్రీన్​, మహీంద్రా ఆడ్రెనో ఎక్స్​ సాఫ్ట్​వేర్​, సింగిల్​ పేన్​ సన్​రూఫ్​, ఓటీఏ అప్డేట్స్​తో కూడిన కనెక్టెడ్​ కార్​ టెక్నాలజీ వంటి ఫీచర్స్​ ఉండే అవకాశం ఉంది.

Mahindra XUV400 EV specifications : ఇక సేఫ్టీ విషయానికొస్తే.. ఎక్స్​యూవీ400 ఈవీ టాప్​ ఎండ్​ మోడల్​లో ఆరు ఎయిర్​బ్యాగ్స్​, ఆల్​-రౌండ్​ డిస్క్​ బ్రేక్స్​, ఐఎస్​ఓఎఫ్​ఐఎక్స్​ చైల్డ్​ సీట్​ యాంకరేజెస్​ ఉండొచ్చు.

ఈవీ లాంచ్​ డేట్​ దగ్గర పడేకొద్ది.. ఎక్స్​యూవీ400 ఈవీకి సంబంధించిన ఫీచర్స్​పై స్పష్టత వచ్చే అవకాశం ఉంది.

మైలేజీ..

ఎక్స్​యూవీ400 ఈవీకి 39.4కేడబ్ల్యూహెచ్​ బ్యాటరీ ప్యాక్​ ఉంటుంది. ఇది 150హెచ్​పీ పవర్​, 310ఎన్​ఎం టార్క్​ను జనరేట్​ చేస్తుంది. 0-100 కేఎంపీహెచ్​ వేగాన్ని సెకన్లను 8.3 సెకన్లలో చేరుకుంటుందని మహీంద్రా అండ్​ మహీంద్రా చెబుతోంది. ఇండియాలోని ఈవీ సెగ్మెంట్​లో ఇదే టాప్​గా నిలుస్తుంది. ఎక్స్​యూవీ400 టాప్​ స్పీడ్​ 150కేఎంపీహెచ్​గా ఉంది.

Mahindra XUV400 EV mileage : ఒక్కసారి ఛార్జ్​ చేస్తే.. ఈ ఎక్స్​యూవీ400 ఈవీ 456కి.మీల దూరం ప్రయాణిస్తుంది. 50కేడబ్ల్యూ డీసీ ఫాస్ట్​ ఛార్జింగ్​తో.. 0-80శాతం ఛార్జింగ్​ను కేవలం 50 నిమిషాల్లో అందుకుటుంది.

ఈ మహీంద్రా ఎలక్ట్రిక్​ ఎస్​యూవీలో ఫన్​, ఫాస్ట్​, ఫియర్​లెస్​ అనే త్రీ డ్రైవింగ్​ మోడ్స్​ ఉంటాయి.

లాంచ్​ డేట్​ వివరాలు..

ఎక్స్​యూవీ400.. 2023 జనవరిలో లాంచ్​ అవ్వనుంది. కానీ లాంచ్​ డేట్​పై మహీంద్రా అండ్​ మహీంద్రా క్లారిటీ ఇవ్వలేదు. మరోవైపు.. ఎక్స్​యూవీ400 ఈవీ ధర రూ. 18లక్షలు-20లక్షలు (ఎక్స్​షోరూం) మధ్యలో ఉండొచ్చని అంచనాలు ఉండొచ్చు. ఒక్కసారి లాంచ్​ అయితే.. మార్కెట్​లో ఉన్న టాటా నెక్సాన్​ ఈవీ మ్యాక్స్​కు ఈ ఎలక్ట్రిక్​ ఎస్​యూవీ గట్టి పోటీనిస్తుంది.

Mahindra XUV400 EV launch date : ఎలక్ట్రిక్​ వాహనాల రంగంపై దృష్టిపెట్టిన మహీంద్రా అండ్​ మహీంద్రా.. అందుకు తగ్గట్టుగానే ప్రణాళికలు రచించింది. ఎలక్ట్రిక్​ వాహనాల సిరీస్​లో భాగంగా తొలుత ఎక్స్​యూవీ400 ఈవీని విడుదల చేయనుంది. ఆ తర్వాత 2024లో ఎక్స్​యూవీ.ఈ, బీఈ మోడల్స్​ లాంచ్​ కానున్నాయి.