Stocks to buy: ఈ ఎనిమిది స్టాక్స్ తో ఈ రోజు ట్రేడింగ్ లో లాభాలు గ్యారెంటీ..-trade setup for stock market today eight stocks to buy or sell on wednesday ,బిజినెస్ న్యూస్
తెలుగు న్యూస్  /  బిజినెస్  /  Stocks To Buy: ఈ ఎనిమిది స్టాక్స్ తో ఈ రోజు ట్రేడింగ్ లో లాభాలు గ్యారెంటీ..

Stocks to buy: ఈ ఎనిమిది స్టాక్స్ తో ఈ రోజు ట్రేడింగ్ లో లాభాలు గ్యారెంటీ..

HT Telugu Desk HT Telugu
Jun 19, 2024 09:15 AM IST

Stocks to buy: ఇమామి, రాడికో ఖైతాన్, టాటా కన్స్యూమర్ సహా ఎనిమిది స్టాక్స్ తో ఈ రోజు లాభాలు గడించవచ్చని స్టాక్ మార్కెట్ నిపుణులు సూచిస్తున్నారు. బుధవారం నిఫ్టీ స్వల్పకాలిక ట్రెండ్ సానుకూలంగా కొనసాగుతోందని తెలిపారు.

డే ట్రేడింగ్ గైడ్
డే ట్రేడింగ్ గైడ్

Stock market today: బలమైన అంతర్జాతీయ సంకేతాల నేపథ్యంలో భారత స్టాక్ మార్కెట్ (Stock market) మంగళవారం వరుసగా నాలుగో సెషన్లో లాభాల్లో ముగిసింది. నిఫ్టీ 92 పాయింట్లు లాభపడి 23,557 వద్ద ముగియగా, బీఎస్ఈ సెన్సెక్స్ 308 పాయింట్లు లాభపడి 77,301 వద్ద ముగిసింది. బ్యాంక్ నిఫ్టీ ఇండెక్స్ 438 పాయింట్లు లాభపడి 50,440 వద్ద ముగిసింది. నగదు మార్కెట్ పరిమాణం మరో 6 శాతం పెరిగి రూ.1.43 లక్షల కోట్లకు చేరింది. అడ్వాన్స్-క్షీణత నిష్పత్తి 1.22:1కు పడిపోయినప్పటికీ స్మాల్ క్యాప్ ఇండెక్స్ 1:1 కంటే ఎక్కువగా ఉంది.

బుధవారం నాటి ట్రేడింగ్ సెటప్

ఈ రోజు నిఫ్టీ అవుట్ లుక్ పై హెచ్ డీఎఫ్ సీ సెక్యూరిటీస్ సీనియర్ టెక్నికల్ రీసెర్చ్ అనలిస్ట్ నాగరాజ్ శెట్టి మాట్లాడుతూ.. నిఫ్టీ స్వల్పకాలిక ట్రెండ్ రేంజి బౌండ్ యాక్షన్ తో సానుకూలంగా కొనసాగుతోంది. 23,515 వద్ద అడ్డంకిని అధిగమించిన నిఫ్టీ త్వరలోనే 23,950 వద్ద ఉన్న తదుపరి నిరోధం వైపు కదులుతుందని ఆశించవచ్చు. నిఫ్టీకి తక్షణ మద్దతు 23,450 వద్ద ఉంది’ అని వివరించారు.

బ్యాంక్ నిఫ్టీ అవుట్ లుక్

ఈ రోజు బ్యాంక్ నిఫ్టీ అవుట్ లుక్ పై అసిత్ సి మెహతాలోని ఎవిపి టెక్నికల్ అండ్ డెరివేటివ్స్ రీసెర్చ్ హృషికేష్ యడ్వే మాట్లాడుతూ, "బ్యాంక్ నిఫ్టీ మంగళవారం ఇండెక్స్ సానుకూలంగా ప్రారంభమైంది. మరియు రోజంతా సానుకూలంగానే కొనసాగించింది. చివరకు 50,441 స్థాయిల వద్ద బుల్లిష్ నోట్ వద్ద స్థిరపడింది. సాంకేతికంగా చూస్తే బ్యాంక్ నిఫ్టీ స్వల్పకాలిక కన్సాలిడేషన్ 49,530-50,250 పాయింట్లను అధిగమించి పైన కొనసాగడం బలాన్ని సూచిస్తోంది. దీని ప్రకారం సూచీ 50,800-51,000 స్థాయిలను పరీక్షించవచ్చు. మరోవైపు తక్షణ మద్దతు 50,000 మార్కుకు చేరువలో ఉంది’’ అని వివరించారు. మోతీలాల్ ఓస్వాల్ రిటైల్ రీసెర్చ్ హెడ్ సిద్ధార్థ ఖేమ్కా మాట్లాడుతూ సానుకూల అంతర్జాతీయ సంకేతాలు, బలమైన దేశీయ స్థూలాంశాలు, రాబోయే బడ్జెట్లో ప్రభుత్వ వ్యయాలను పెంచడంపై దృష్టి సారించడం ద్వారా ఈక్విటీల జోరు కొనసాగుతుందని ఆశిస్తున్నామని చెప్పారు.

డే ట్రేడింగ్ గైడ్

ఈ రోజు కొనుగోలు చేయాల్సిన స్టాక్స్ గురించి స్టాక్ మార్కెట్ నిపుణులు, ఛాయిస్ బ్రోకింగ్ ఎగ్జిక్యూటివ్ డైరెక్టర్ సుమీత్ బగోడియా,ఆనంద్ రాఠీ టెక్నికల్ రీసెర్చ్ సీనియర్ మేనేజర్ గణేష్ డోంగ్రే, ప్రభుదాస్ లిల్లాధేర్ టెక్నికల్ రీసెర్చ్ అనలిస్ట్ షిజు కూతుపాలక్కల్ ఎనిమిది స్టాక్స్ కొనుగోలు చేయాలని సిఫార్సు చేశారు.

  • ఇమామి: కొనుగోలు ధర రూ.740.70 ; టార్గెట్ ధర రూ.804 ; స్టాప్ లాస్ రూ. 710.
  • యూటీఐ ఏఎంసీ: కొనుగోలు ధర రూ.1044 ; టార్గెట్ ధర రూ.1100 ; స్టాప్ లాస్ రూ. 1005.
  • టాటా కన్స్యూమర్: కొనుగోలు ధర రూ.1126 ; టార్గెట్ ధర రూ.1160; స్టాప్ లాస్ రూ. 1105.
  • రాడికో ఖైతాన్: కొనుగోలు ధర రూ.1780 ; టార్గెట్ ధర రూ.1830; స్టాప్ లాస్ రూ. 1755.
  • రామకృష్ణ ఫోర్జింగ్స్: కొనుగోలు ధర రూ.809 ; టార్గెట్ ధర రూ.840; స్టాప్ లాస్ రూ. 785.
  • ఈఐహెచ్: కొనుగోలు ధర రూ.449; టార్గెట్ ధర రూ.468; స్టాప్ లాస్ రూ. 440.
  • డేటా ప్యాటర్న్స్: కొనుగోలు ధర రూ.3088; టార్గెట్ ధర రూ.3260; స్టాప్ లాస్ రూ. 3020.
  • అమర రాజా ఎనర్జీ: కొనుగోలు ధర రూ.1371; టార్గెట్ ధర రూ.1440; స్టాప్ లాస్ రూ. 1335.

సూచన: పై అభిప్రాయాలు, సిఫార్సులు వ్యక్తిగత విశ్లేషకులు, నిపుణులు, బ్రోకింగ్ కంపెనీలవి, హెచ్ టీ తెలుగువి కావు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదించాలని మేము పెట్టుబడిదారులకు సలహా ఇస్తున్నాము.

WhatsApp channel