Shriram Finance FD rates:ఫిక్స్ డ్ డిపాజిట్ వడ్డీ రేట్లు పెంచిన శ్రీరాం ఫైనాన్స్

Shriram Finance FD rates hike: భారత్ లోని నాన్ బ్యాంకింగ్ ఫైనాన్షియల్ కంపెనీ(NBFC)ల్లో ప్రధానమైన శ్రీరాం ఫైనాన్స్ ఎఫ్ డీలపై వడ్డీ రేట్లను పెంచింది. శ్రీరాం ఉన్నతి డిపాజిట్లపై కాలపరిమితి ఆధారంగా 5 నుంచి 30 బేసిస్ పాయింట్ల వరకు వడ్డీ రేటును పెంచింది.

Shriram Finance FD rates hike: జనవరి 1 నుంచి..

వివిధ శ్రీరాం ఉన్నతి డిపాజిట్లపై కాలపరిమితి ప్రకారం, 0.05% నుంచి 0.30% వరకు వార్షిక వడ్డీ రేటును శ్రీరాం ఫైనాన్స్ పెంచింది. ఈ వడ్డీ రేటు పెంపు జనవరి 1వ తేదీ నుంచి అమల్లోకి వస్తుందని ప్రకటించింది. కస్టమర్లు అత్యధికంగా 9.30% వరకు వార్షిక వడ్డీని పొందే అవకాశముంది.

Shriram Finance FD rates hike :పెరిగిన వడ్డీ రేట్లు ఇవే..

• సంవత్సరం కాలపరిమితి కలిగిన డిపాజిట్లపై వడ్డీని 30 బేసిస్ పాయింట్లు పెంచి, వార్షిక వడ్డీ రేటును 7% నుంచి 7.30 శాతానికి పెంచారు.
• 18 నెలల కాలపరిమితి కలిగిన డిపాజిట్లపై వడ్డీని 20 బేసిస్ పాయింట్లు పెంచారు. అంటే, ఆ ఎఫ్ డీలపై వార్షిక వడ్డీ రేటు 7.30% నుంచి 7.50 శాతానికి పెరుగుతుంది.
• 24 నెలల కాలపరిమితి కలిగిన డిపాజిట్లపై వడ్డీని 25 బేసిస్ పాయింట్లు పెంచారు. అంటే, ఆ ఎఫ్ డీలపై వార్షిక వడ్డీ రేటు 7.50% నుంచి 7.75 శాతానికి పెరుగుతుంది.
• 30 నెలల కాల పరిమితి కలిగిన డిపాజిట్లపై ప్రస్తుతం ఉన్న 8% వార్షిక వడ్డీ కొనసాగుతుంది.
• 36 నెలల టెన్యూర్ తో ఉన్న ఎఫ్ డీలపై వార్షిక వడ్డీ 10బేసిస్ పాయింట్లు పెరిగింది. ప్రస్తుతం ఉన్న 8.05% నుంచి 8.15 శాతానికి వార్షిక వడ్డీ పెరిగింది.
• 42 నెలల కాలపరిమితి కలిగిన డిపాజిట్లపై వడ్డీని 5 బేసిస్ పాయింట్లు పెంచారు. అంటే, ఆ ఎఫ్ డీలపై వార్షిక వడ్డీ రేటు 8.15% నుంచి 8.20 శాతానికి పెరుగుతుంది.
• 48 నెలల కాలపరిమితి కలిగిన డిపాజిట్లపై వడ్డీని 5 బేసిస్ పాయింట్లు పెంచారు. అంటే, ఆ ఎఫ్ డీలపై వార్షిక వడ్డీ రేటు 8.20% నుంచి 8.25 శాతానికి పెరుగుతుంది.
• 60 నెలల కాలపరిమితి కలిగిన డిపాజిట్లపై వడ్డీని 15 బేసిస్ పాయింట్లు పెంచారు. అంటే, ఆ ఎఫ్ డీలపై వార్షిక వడ్డీ రేటు 8.30% నుంచి 8.45 శాతానికి పెరుగుతుంది.
• ఇవి కాకుండా, సీనియర్ సిటిజన్లకు అన్ని డిపాజిట్లపై 0.5% అదనపు వార్షిక వడ్డీ లభిస్తుంది. మహిళలకు అదనంగా, 0.10% వార్షిక వడ్డీ లభిస్తుంది. ప్రతీ రెన్యువల్ కు అదనంగా 0.25% వార్షిక వడ్డీ లభిస్తుంది.
• అంటే, సీనియర్ సిటిజన్ అయిన ఒక మహిళ, తన ఐదేళ్ల కాలపరిమితితో ఉన్న ఎఫ్ డీని రెన్యువల్ చేసుకుంటే, ఆమెకు మొత్తంగా 9.30% (8.45% + 0.10%+ 0.50% + 0.25%) వార్షిక వడ్డీ లభిస్తుంది.