Royal Enfield Himalayan 411 : హిమాలయన్​ 411 బైక్​కి గుడ్​ బై చెప్పేసిన రాయల్​ ఎన్​ఫీల్డ్​!-royal enfield himalayan 411 to be discontinue in november ,బిజినెస్ న్యూస్
తెలుగు న్యూస్  /  Business  /  Royal Enfield Himalayan 411 To Be Discontinue In November

Royal Enfield Himalayan 411 : హిమాలయన్​ 411 బైక్​కి గుడ్​ బై చెప్పేసిన రాయల్​ ఎన్​ఫీల్డ్​!

Sharath Chitturi HT Telugu
Nov 04, 2023 01:50 PM IST

Royal Enfield Himalayan 411 : రాయల్​ ఎన్​ఫీల్డ్​ హిమాలయన్​ 411 ఇక కనిపించదు! ఈ నెల చివరికి.. ఈ మోడల్​ సేల్స్​ని సంస్థ నిలిపివేయనుంది.

హిమాలయన్​ 411 బైక్​కి గుడ్​ బై చెప్పేసిన రాయల్​ ఎన్​ఫీల్డ్​!
హిమాలయన్​ 411 బైక్​కి గుడ్​ బై చెప్పేసిన రాయల్​ ఎన్​ఫీల్డ్​!

Royal Enfield Himalayan 411 : హిమాలయన్​ 411 బైక్​ని నవంబర్​ నెల చివరికి డిస్కంటిన్యూ చేయనున్నట్టు దిగ్గజ ఆటోమొబైల్​ సంస్థ రాయల్​ ఎన్​ఫీల్డ్​ ప్రకటించింది. దేశ, విదేశీ విపణిలో ఇది కనిపించదని స్పష్టం చేసింది.

ట్రెండింగ్ వార్తలు

ఈ రాయల్​ ఎన్​ఫీల్డ్​ హిమాలయన్​ 411 బైక్​.. 2016లో లాంచ్​ అయ్యింది. అడ్వంచర్​ టూరింగ్​ బైక్​గా దీనికి మంచి గుర్తింపు లభించింది. తాజా పరిస్థితుల్లో.. హిమాలయన్​ 452 మోడల్​.. ఈ 411 మోడల్​ని రిప్లేస్​ చేస్తుంది.

2016 నుంచి ఈ హిమాలయన్​ 411ని అనేకమార్లు అప్డేట్​ చేస్తూ వచ్చింది ఆటోమొబైల్​ సంస్థ. కానీ ఇందులో పలు లోపాలు ఉండేవి. ఈ లోపలను కూడా సరిచేస్తూ.. హిమాలయన్​ 452ను రూపొందించింది రాయల్​ ఎన్​ఫీల్డ్​. రైడింగ్​ ఎక్స్​పీరియన్స్​ని మరింత మెరుగుపరిచింది. అంతేకాకుండా.. సరికొత్త లిక్విడ్​ కూల్డ్​ ఇంజిన్​ని బైక్​కు ఫిక్స్​ చేసింది. ఇది.. 40 హెచ్​పీ పవర్​ని జనరేట్​ చేస్తుంది. ఈ కొత్త హిమాలయన్ 452ని నవంబర్ 7న భారత మార్కెట్లో విడుదల చేయనుంది సంస్థ. ఇందులో సరికొత్త డిజిటల్ ఇన్స్ట్రుమెంట్ క్లస్టర్ ను ఏర్పాటు చేశారు. ఇది ఆల్-డిజిటల్ యూనిట్. ఇందులో గూగుల్​ మ్యాప్‌లను నేరుగా చూపే ట్రిప్పర్ నావిగేషన్‌ ఫెసిలిటీ ఉంది.

Royal Enfield Himalayan 452 : ఈ హిమాలయన్ 452 బైక్ కు ముందు, వెనుక డిస్క్ బ్రేక్ లను అమర్చారు. డ్యూయల్-ఛానల్ యాంటీ-లాక్ బ్రేకింగ్ సిస్టమ్ కూడా ఉంది. వెనుక చక్రంలో ABS ను మార్చుకోవచ్చు. పూర్తి వివరాల కోసం ఇక్కడ క్లిక్​ చేయండి.

స్క్రామ్​ 411పై అప్డేట్​..

హిమాలయన్​ 411ని డిస్కంటిన్యూ చేసినప్పటికీ.. స్క్రామ్​ 411 మోడల్​ని కొనసాగించాలని నిర్ణయించింది రాయల్​ ఎన్​ఫీల్డ్​. ఇండియాలో దీనిని కొనుగోలు చేసుకోవచ్చని స్పష్టం చేసింది. హిమాలయన్​ 411 ఆధారంగానే ఈ స్క్రామ్​ 411ని రూపొందించింది సంస్థ. కాకపోతే.. కొన్ని ఫీచర్స్​, డిజైన్​ వంటివి మారుతాయి. అంతేకాకుండా త్వరలోనే ఈ మోడల్​కు కొన్ని కొత్త కలర్​ ఆప్షన్స్​ కూడా వస్తాయని టాక్​ నడుస్తోంది.

WhatsApp channel

సంబంధిత కథనం