Petrol diesel price : పెట్రోల్​, డీజిల్​​పై రూ. 10 తగ్గింపు- త్వరలోనే గుడ్​ న్యూస్​!

Petrol diesel price cut news today : దేశంలో పెట్రోల్​- డీజిల్​ ధరలు దిగొస్తాయని గత కొన్ని రోజులుగా ఊహాగానాలు జోరందుకున్నాయి. 2024 లోక్​సభ ఎన్నికలు సమీపిస్తుండటం, ఈ ఊహాగానాలకు మరింత బలం చేకూరుతోంది. ఇక ఇప్పుడు.. ఇదే విషయంపై తాజాగా ఓ వార్త బయటకి వచ్చింది. లీటరు పెట్రోల్​పై రూ. 10ని తగ్గించే యోచనలో ప్రభుత్వం ఉన్నట్టు, త్వరలోనే ప్రజలకు గుడ్​ న్యూస్​ అందనున్నట్టు సమాచారం.

పెట్రోల్​, డీజిల్​ ధరలు తగ్గింపు..

2024 ఏప్రిల్​, మే నెలల్లో సార్వత్రిక ఎన్నికలు జరగనున్నాయి. ఈ నేపథ్యంలో పెట్రోల్​, డీజిల్​ ధరలను తగ్గించి ప్రజలకు ఉపశమనం ఇవ్వాలని కేంద్రం భావిస్తోందట. ఇదే విషయంపై అన్ని చర్చలు ముగిసినట్టు, కేంద్ర ఆర్థికశాఖ సంతకం ఒక్కటే మిగిలినట్టు సంబంధిత వర్గాలు వెల్లడించాయి. సంతకాలు పెట్టి, ఆదేశాలు అమల్లోకి వచ్చిన తర్వాత.. లీటరు పెట్రల్​పై రూ. 10, లీటర్​ డీజిల్​పైనా రూ. 10 తగ్గుతుందని పేర్కొన్నాయి.

petrol diesel price cut news : దేశంలో పెట్రోల్​, డీజిల్​ ధరలను సవరించి దాదాపు రెండేళ్లు గడిచిపోయాయి. చివరిగా.. ఆయా ధరలపై రూ. 8, రూ. 6 కట్​ ఇచ్చింది కేంద్రం. అప్పటి నుంచి పెట్రోల్​, డీజిల్​ ధరలు దేశవ్యాప్తంగా స్థిరంగానే ఉంటూ వస్తున్నాయి.

ఇక ఉక్రెయిన్​- రష్యా యుద్ధం నేపథ్యంలో చమురు ధరలు పెరిగిన విషయం వాస్తవమే. కానీ ఆ తర్వాత ధరలు గణనీయంగా దిగొచ్చాయి. చమురు సంస్థలకు మంచి లాభాలే వచ్చాయి. ఫలితంగా.. ప్రజలకు కాస్త ఉపశమనం కల్పించాలని ఆయిల్​ మార్కెటింగ్​ సంస్థలకు కేంద్రం ఇటీవలే సూచించింది. ఆయా సంస్థలు కూడా ఇందుకు అంగీకరించినట్టు తెలుస్తోంది.

Petrol and diesel price in Hyderabad : గత మూడు త్రైమాసికాలుగా.. చమురు సంస్థలు లాభాల్లో ఉన్నాయి. ఫలితంగా నష్టాలు దాదాపు తగ్గాయి. ఐఓసీ, హెచ్​పీసీఎల్​, బీపీఎస్​ లాభాలు.. గత త్రైమాసికంలో రూ. 28వేల కోట్లు దాటేశాయి. నష్టాలను దాదాపు రికవరీ చేసేయడంతో ధరలను తగ్గించే యోచనలో ప్రభుత్వం ఉందని తెలుస్తోంది.

కూరగాయల రేట్లు, నిత్యావసరాల ధరలు పెరిగిపోతుండటంతో సామాన్యుడిపై ఆర్థిక భారం పెరిగిపోయింది. పెట్రోల్​, డీజిల్​ ధరలు తగ్గిస్తే.. ప్రజలకు కచ్చితంగా ఉపశమనం కలుగుతుంది.

మరి తాజా వార్తల్లో నిజం ఎంత ఉందో తెలియదు! కానీ పెట్రోల్​, డీజిల్​ ధరల తగ్గింపు వ్యవహారం గత కొన్ని రోజులుగా హాట్​ టాపిక్​గా మారింది. ప్రభుత్వం నిర్ణయం ఎలా ఉంటుందనేది వేచి చూడాలి.