Tech companies layoff : 2024 మొదటి కొన్ని రోజుల్లోనే 7,500కు పైగా మంది ఉద్యోగాలు ఉఫ్​..!

Tech companies layoff in 2024 : 'ఎఫీషియెన్సీ' పేరుతో పెద్ద పెద్ద టెక్​ సంస్థలు.. లేఆఫ్​లపై మళ్లీ ఫోకస్​ చేస్తున్నాయి! 2024 మొదటి నెల కొన్ని రోజుల్లోనే.. ప్రపంచవ్యాప్తంగా 7,500కిపైగా మంది ఉద్యోగాలు కోల్పోవడం ఆందోళనకరమైన వార్త. అంతేకాకుండా.. గూగుల్​, అమెజాన్​ వంటి సంస్థలు.. ఏడాది పొడవునా ఉద్యోగాలను కట్​ చేస్తూ ఉంటామని చెబుతుండటం మరింత ఆందోళనకు గురిచేస్తున్న విషయం.

2024లో పరిస్థితులు ఇంతేనా..?

ఆర్టిఫీషియల్​ ఇంటెలిజెన్స్​ వ్యవస్థను పెంచి, అనవసరమైన సెక్టార్స్​లో ఉద్యోగాలను కట్​ చేయాలని బడా సంస్థలు భావిస్తున్నాయి. ఈ నేపథ్యంలో.. 2024లో పలు కీలక పరిణామాలు చోటుచేసుకునే అవకాశం ఉంది. కానీ.. ఈ ఏడాది జరిగే లేఆఫ్​లు.. టార్గెటెడ్​గా ఉంటాయని నిపుణులు అభిప్రాయపడుతున్నారు.

గూగుల్​ పేరెంట్​ కంపెనీ ఆల్ఫాబెట్​ ఇప్పటికే వేలాది మందిని ఇళ్లకు పంపించేసింది. అతిపెద్ద ప్రాధాన్యతలపైనే ఖర్చు చేస్తామని చెబుతూ.. అనేక మందిని తొలగించేసింది గూగుల్​. అడ్వర్టైజింగ్​, పిక్సెల్​, ఫిట్​బిట్​తో పాటు అనేక విభాగాల్లోని ఉద్యోగాల్లో కోతలు విధించింది.

2024 layoffs latest news : ఇక అమెజాన్​ విషయానికొస్తే.. గత వారం చాలా మందినే ఇళ్లకు పంపించింది. స్ట్రీమింగ్​, ఆడియో ఆపరేషన్స్​పై అధిక ప్రభావం పడింది. ఇలా.. 2024 జనవరి మొదటి కొన్ని రోజుల్లోనే 7,500మందికిపైగా ఉద్యోగులు తమ జాబ్స్​ని కోల్పోయారు!

ఇదీ చూడండి:- Tech layoffs 2024: ఐటీ ఉద్యోగులకు 2024 లో పీడ కలలేనా..?

"ప్రపంచవ్యాప్తంగా ఏఐ రివొల్యూషన్​ కనిపిస్తోంది. ఏ కంపెనీ కూడా వెనకపడాలని కోరుకోదు. అందుకే.. ఏఐని ప్రాయారిటీగా చేసుకుంటున్నాయి. ఇది ఉద్యోగాలపై ప్రభావం చూపించవచ్చు," అని డీ.ఏ డేవిడ్​సన్​ అండ్​ కో ఎనలిస్ట్​ గిల్​ లురియా తెలిపారు.

Google layoffs 2024 : అయితే.. గత కొన్నేళ్లతో పోల్చుకుంటే, 2024లో జాబ్​ కట్స్​ నెంబర్లు తక్కువగా ఉండొచ్చని నిపుణులు అభిప్రాయపడుతున్నారు. అధికారిక లెక్కల ప్రకారం.. 2023లో టెక్​ సెక్టార్​లోని 1,68,032 మంది ఉద్యోగాలు కోల్పోయారు. అల్ఫాబెట్​, అమెజాన్​, మెటా, మైక్రోసాఫ్ట్​లో పరిస్థితులు సర్వత్రా చర్చకు దారితీశాయి.

ఇదిలా ఉండగా.. లేఆఫ్​ వార్తలు విని టెక్​ ఉద్యోగుల్లో భయాలు రోజురోజుకు పెరుగుతున్నాయి. ఎప్పుడు ఏ వార్త వినాల్సి వస్తుందోనని ఆందోళనకు గురవుతున్నారు.