Oppo Reno 10 launch : ఇండియాలో ఒప్పో రెనో 10 సిరీస్​ లాంచ్​.. హైలైట్స్​ ఇవే!

Oppo Reno 10 series launch : చైనాలో హిట్​ కొట్టిన ఒప్పో రెనో 10 5జీ సిరీస్​ తాజాగా ఇండియాలో లాంచ్​ అయ్యింది. ఈ సిరీస్​లో మొత్తం మూడు స్మార్ట్​ఫోన్స్​ ఉన్నాయి. అనేక ఎగ్జైటింగ్​ ఫీచర్స్​తో ఇవి మార్కెట్​లోకి సోమవారం అడుగుపెట్టాయి. ఈ నేపథ్యంలో ఈ మూడింటి ఫీచర్స్​, ధర వంటి వివరాలు ఇక్కడ తెలుసుకుందాము..

ఒప్పో రెనో 10 ఫీచర్స్​ ఇవే..

ఈ గ్యాడ్జెట్​లో 6.7 ఇంచ్​ 120 హెచ్​జెడ్​ అమోలెడ్​ డిస్​ప్లే ఉంటుంది. మీడియాటెక్​ డైమెన్సిటీ 7050 ఎస్​ఓసీ చిప్​సెట్​ దీని సొంతం. 8జీబీ ర్యామ్​, 256జీబీ స్టోరేజ్​ ఆప్షన్​ ఉంది. 64ఎంపీ ట్రిపుల్​ రేర్​ కెమెరా, 32 ఎంపీ ఫ్రెంట్​ కెమెరాలు వస్తున్నాయి. 67వాట్​ ఫాస్ట్​ ఛార్జింగ్​ సపోర్ట్​తో కూడిన 5000ఎంఏహెచ్​ బ్యాటరీ లభిస్తోంది. ఈ మోడల్​ ధరను సంస్థ ప్రకటించలేదు.

ఒప్పో రెనో 10 ప్రో హైలైట్స్​..

Oppo Reno 10 pro price : ఈ స్మార్ట్​ఫోన్​లో 120 హెచ్​జెడ్​తో కూడిన 6.7 ఇంచ్​ ఓఎల్​ఈడీ డిస్​ప్లే ఉంటుంది. స్నాప్​డ్రాగన్​ 778జీ ఎస్​ఓసీ ప్రాసెసర్​ లభిస్తుంది. 12జీబీ ర్యామ్​- 256జీబీ స్టోరేజ్​ ఆప్షన్​ ఉంది. 50ఎంపీ ట్రిపుల్​ రేర్​ కెమెరా (5ఎంపీ+32ఎంపీ+8ఎంపీ)తో స్టన్నింగ్​ ఫొటోలను క్యాప్చర్​ చేయవచ్చు. ఇక సెల్ఫీల కోసం 32ఎంపీ ఫ్రెంట్​ కెమెరా వస్తోంది. 4,600 ఎంఏహెచ్​ బ్యాటరీ, 80వాట్​ ఫాస్ట్​ ఛార్జింగ్​ వంటివి లభిస్తున్నాయి. దీని ధర రూ. 39,999. సిల్వర్​ గ్రే, గ్లాసీ పర్పుల్​ వంటి కలర్స్​లో ఇది అందుబాటులో ఉండనుంది.

ఇదీ చూడండి:- Best smartphones under 35000 : రూ. 35వేల బడ్జెట్​లో స్మార్ట్​ఫోన్​ కొనాలా? ఇవి బెస్ట్​!

ఒప్పో రెనో 10 ప్రో ప్లస్​ ఇదిగో..

Oppo Reno 10 pro+ price : ఈ సిరీస్​ టాప్​ ఎండ్​ మోడల్​లో 6.74 ఇంచ్​ అమోలెడ్​ డిస్​ప్లే వస్తోంది. క్వాల్కమ్​ స్నాప్​డ్రాగన్​ 8+ జెన్​ 1 ఎస్​ఓసీ దీని సొంతం. ఫలితంగా ఈ ఒప్పో రెనో 10 ప్రో ప్లస్​ డివైజ్​ పర్ఫార్మెన్స్​ అద్భుతంగా ఉండనుంది! 12జీబీ ర్యామ్​, 256జీబీ స్టోరేజ్​ వేరియంట్​ ఉంటుంది. 50ఎంపీ ప్రైమరీ కెమెరాతో పాటు ఆప్టికల్​ ఇమేజ్​ స్టెబులైజేషన్​తో కూడిన తొలి 64ఎంపీ టెలిఫొటో పోట్రైట్​ కెమెరా ఇందులో ఉంది. 8ఎంపీ అల్ట్రా వైడ్​ కెమెరా సెటప్​ కూడా రేర్​లో ఉంటుంది. సెల్ఫీ కోసం 32ఎంపీ ఫ్రెంట్​ కెమెరా వస్తోంది. 4,700ఎంఏహెచ్​ బ్యాటరీ, 100 వాట్​ ఫాస్ట్​ ఛార్జింగ్​ వంటి ఫీచర్స్​ ఉన్నాయి. ఈ గ్యాడ్జెట్​ ధర రూ. 54,999.

సంస్థ అధికారిక వెబ్​సైట్​తో పాటు ఫ్లిప్​కార్ట్​లో ఒప్పో రెనో 10 ప్రో, ఒప్పో రెనో 10 ప్రో ప్లస్​ స్మార్ట్​ఫోన్స్​ను కొనగోలు చేసుకోవచ్చు. ఒప్పో రెనో 10 5జీ ఫోన్​ ధరతో పాటు అవైలబులిటీ వివరాలను ఈ నెల 20న ప్రకటిస్తామని సంస్థ చెప్పింది. ఈ మోడల్​ ధర రూ. 30వేలకు అటు, ఇటుగా ఉండే అవకాశాలు ఉన్నాయని మార్కెట్​ వర్గాలు భావిస్తున్నాయి.