OnePlus Nord CE 3 Lite launch : వన్​ప్లస్​ నుంచి కొత్త స్మార్ట్​ఫోన్​.. లాంచ్​ డేట్​ ఇదే!

OnePlus Nord CE 3 Lite 5G launch in India : ప్రముఖ స్మార్ట్​ఫోన్​ తయారీ సంస్థ వన్​ప్లస్​ నుంచి వచ్చే నార్డ్​ సిరీస్​కు ఇండియాలో మంచి డిమాండ్​ ఉంటుంది. అందుకు తగ్గట్టుగానే.. ఎప్పటికప్పుడు కొత్త కొత్త స్మార్ట్​ఫోన్లను లాంచ్​ చేస్తూ ఉంటుంది వన్​ప్లస్​. ఇక ఇప్పుడు.. మరో మొబైల్​ను ఇండియా మార్కెట్​లో విడుదల చేసేందుకు సన్నద్ధమవుతోంది. అదే.. వన్​ప్లస్​ నార్డ్​ సీఈ 3 లైట్​ 5జీ. ఈ మొబైల్​తో పాటు వన్​ప్లస్​ నార్డ్​ బడ్స్​ 2 కూడా లాంచ్​ అవుతుండటం విశేషం.

లాంచ్​ డేట్​ ఇదే..

వన్​ప్లస్​ నార్డ్​ సీఈ 3 లైట్​ 5జీ, వన్​ప్లస్​ నార్డ్​ బడ్స్​ 2లు.. ఏప్రిల్​ 4న ఇండియా మార్కెట్​లో లాంచ్​కానున్నాయి. ఈ విషయాన్ని వన్​ప్లస్​ సంస్థ అధికారికంగా ప్రకటించింది. వీటికోసం వెబ్​సైట్​లో ప్రత్యేక పేజ్​ని కూడా ఉంచింది. వీటి ద్వారా మనకి కొన్ని వివరాలు తెలుస్తున్నాయి.

OnePlus Nord CE 3 Lite price : వన్​ప్లస్​ నార్డ్​ సీఈ 3 లైట్​ 5జీ.. పాస్టల్​ లైమ్​ కలర్​ ఆప్షన్​లో వస్తోంది. స్మార్ట్​ఫోన్​లో ట్రిపుల్​ రేర్​ కెమెరా సెటప్​, ఎల్​ఈడీ ఫ్లాష్​ వంటివి ఉండనున్నాయి. ఇక వన్​ప్లస్​ నార్డ్​ బడ్స్​ 2.. బ్లాక్​, వైట్​ రంగుల్లో లభిస్తుంది.

వన్​ప్లస్​ నార్డ్​ సీఈ 3 లైట్​ 5జీ- స్పెసిఫికేషన్లు..

వన్​ప్లస్​ నార్డ్​ సీఈ 3 లైట్​లో స్నాప్​డ్రాగన్​ 695 ఎస్​ఓసీ ప్రాసెస్​ ఉడొచ్చు. 8జీబీ ఎల్​పీడీడీఆర్​4ఎక్స్​ ర్యామ్​, 256జీబీ యూఎఫ్​ఎస్​ 2.2 స్టోరేజ్​ ఉండే అవకాశం ఉంది. 120 హెచ్​జెడ్​ రిఫ్రెష్​ రేట్​తో కూడిన ఫుల్​హెచ్​డీ+ ఎల్​సీడీ ప్యానెల్​ ఇందులో ఉండొచ్చు. 5000 ఎంఏహెచ్​ బ్యాటరీ, 65వాట్​ ఫాస్ట్​ ఛార్జింగ్​ సపోర్ట్​ వంటివి ఇంకొన్ని ఫీచర్స్​!

ఇదీ చదవండి :- Redmi Note 12: రెడ్‍మీ నోట్ 12 లాంచ్ డేట్ ఇదే: అమోలెడ్ డిస్‍ప్లేతో.. బడ్జెట్ రేంజ్‍లో..

OnePlus Nord CE 3 Lite features : ఈ స్మార్ట్​ఫోన్​ ఆండ్రాయిడ్​ 13 ఆక్సిజెన్​ఓఎస్​ 13పై పనిచేసే అవకాశం ఉంది. 64ఎంపీ ట్రిపుర్​ రేర్​ కెమెరా, 16ఎంపీ సెల్ఫీ కెమెరా ఉండొచ్చు. ప్రస్తుతానికైతే.. ఈ స్మార్ట్​ఫోన్​ ఫీచర్స్​పై ఎలాంటి అధికారిక ప్రకటన లేదు. రానున్న రోజుల్లో ఈ విషయంపై క్లారిటీ వచ్చే అవకాశం ఉంది.

వన్​ప్లస్​ నార్డ్​ సీఈ 3 లైట్​ 5జీ- ధర..

OnePlus Nord CE 3 Lite specifications : ఇండియాలో వన్​ప్లస్​ నార్డ్​ సీఈ 2 లైట్​ ధర రూ. 19,999 వద్ద లాంచ్​ అయ్యింది. నార్డ్​ సీఈ 3 లైట్​ 5జీ ధర కూడా రూ. 20వేలలోపే ఉండొచ్చని మార్కెట్​లో అంచనాలు ఉన్నాయి.