Ola S1 new variant : హోండా యాక్టివాకు పోటీగా ఓలా కొత్త ఎలక్ట్రిక్​ స్కూటర్​!

Ola S1 new variant : ఓలా ఎలక్ట్రిక్​.. కొత్త స్కూటర్​ను మార్కెట్​లోకి తీసుకొచ్చేందుకు సిద్ధపడుతున్నట్టు తెలుస్తోంది. వచ్చే నెలలో ఇది మార్కెట్​లో లాంచ్​ అయ్యే అవకాశం ఉంది. కాగా.. ఇది ఓలా ఎస్​1 ఎలక్ట్రిక్​ స్కూటర్​కు కొత్త వేరియంట్​ అని సమాచారం. ఇది.. ప్రస్తుతం మార్కెట్​లో ఉన్న హోండా యాక్టివాకు బలమైన పోటీని ఇస్తుందని తెలుస్తోంది.

కొత్త వేరియంట్​ ధర రూ.80వేలు!

ప్రస్తుతం ఇండియాలో ఓలా నుంచి రెండు ఎలక్ట్రిక్​ స్కూటర్​లు(ఓలా ఎస్​1, ఓలా ఎస్​1 ప్రో) మార్కెట్​లో అందుబాటులో ఉన్నాయి. ఇక ఓలా ఎస్​1 కొత్త వేరియంట్​.. సంస్థకు చెందిన చౌకైన వాహనంగా నిలుస్తుందని అంచనాలు ఉన్నాయి. దీని ధర రూ.80,000 కన్నా తక్కువగానే ఉంటుందని తెలుస్తోంది.

Ola S1 new variant vs Honda Activa : ఈ కొత్త వేరియంట్​తో.. ఎలక్ట్రిక్​ రంగంలోనే కాకుండా.. పెట్రోల్​ వాహనాల తయారీ సంస్థలకు సైతం బలమైన సవాళ్లు విసిరేందుకు ఓలా సిద్ధపడుతున్నట్టు కనిపిస్తోంది. ముఖ్యంగా హోండా యాక్టివాకు మార్కెట్​లో మంచి డిమాండ్​ ఉంది. దీని ధర రూ.70,000- రూ.80,000 మధ్యలో ఉంటుంది. మార్కెట్​ అంచనాలకు తగ్గట్టే ఓలా ఎస్​1 కొత్త వేరియంట్ ధర ఉంటే​.. యాక్టివాకు కచ్చితంగా పోటీ పెరుగుతుంది.

ఈ ఏడాది ఆగస్టులో మార్కెట్​లోకి ఎంట్రీ ఇచ్చింది ఓలా ఎస్​1. ఒక్కాసారి ఛార్జ్​ చేస్తే.. 141కి.మీల దూరం ప్రయాణిచవచ్చు. స్పోర్ట్స్​ మోడల్​లో అయితే 90కి.మీలు వెళ్లొచ్చు. రెడ్​, జెట్​ బ్లాక్​, ప్రొక్లైన్​ వైట్​, నియో మింట్​, లిక్విడ్​ సిల్వర్​లో ఓలా ఎస్​1 ఎలక్ట్రిక్​ స్కూటర్​ అందుబాటులో ఉంది.

Ola S1 electric : నివేదికల ప్రకారం.. ఓలా ఎస్​1 కొత్త వేరియంట్​ డిజైన్​లో మార్పులు జరగవచ్చు. కొత్త సస్పెన్షన్​ ఉండొచ్చు. ఓలాకు చెందిన మూవ్​ఓఎస్​ ఇందులో ఉంటుంది.

అక్టోబర్​ 22న కీలక ప్రకటన చేస్తామని ఓలా ఇప్పటికే చెప్పింది. మూవ్​ఓఎస్​ 3ని ఆ ఈవెంట్​లో ప్రకటించే అవకాశం ఉంది. మరి ఓలా ఎస్​1 ఎలక్ట్రిక్​ స్కూటర్​ కొత్త వేరియంట్​ గురించి ఏమైనా అప్డేట్​ వస్తుందా లేదా అన్న చూడాలి.

ఓలా ఎస్​1 ప్రోపై భారీ ఆఫర్లు..!

Ola S1 pro offers : మరోవైపు ఓలా ఎస్​1 ప్రోపై పండుగ ఆఫర్లు నడుస్తున్నాయి. దీని ఎక్స్​షోరూం ధర రూ. 1.40లక్షలు. రూ. 10వేల డిస్కౌంట్​తో దీనిని పొందవచ్చు. 5 ఇయర్​ వారెంటీపై రూ. 1500 డిస్కౌంట్​ ఇస్తోంది ఓలా. లోన్​ మీద ప్రాసెసింగ్​ ఫీజును 0 చేసింది ఓలా సంస్థ.