New electric scooters : మార్కెట్​లోకి నాలుగు కొత్త ఎలక్ట్రిక్​ స్కూటర్లు.. హైలైట్స్​ ఇవే!

New electric scooters : ఇండియా ఆటోమొబైల్​ మార్కెట్​లో ఎలక్ట్రిక్​ సెగ్మెంట్​కు ఉన్న డిమాండ్​ గురించి కొత్తగా చెప్పుకోవాల్సిన అవసరం లేదు. ఈ డిమాండ్​ను క్యాప్చర్​ చేసుకునేందుకు అనేక సంస్థలు పోటీపడుతున్నాయి. ఇక ఇప్పుడు.. ఓ కొత్త ఈవీ సంస్థ కూడా ఈ పోటీలోకి అడుగుపెట్టింది. దాని పేరు "ఇనక్​ మోటార్స్​​". వస్తూనే.. ఒకేసారి 4 కొత్త ఎలక్ట్రిక్​ స్కూటర్లను లాంచ్​ చేసింది! వాటి వివరాలను ఇక్కడ తెలుసుకుందాము..

ఇనక్​ మోటార్స్​ ఈ-స్కూటర్ల వివరాలు..

ఇనక్​ నుంచి నాలుగు స్లో స్పీడ్​ ఈ-స్కూటర్లు వచ్చాయి. అవి.. ప్రో, మాగ్నా, స్మార్ట్​, వెర్వ్​. వీటి ఎక్స్​షోరూం ధరలు రూ. 89,000- రూ. 99,000 మధ్యలో ఉన్నాయి. ప్రస్తుతం ఇవి హైదరాబాద్​ పరిధిలో అందుబాటులోకి వచ్చాయి. త్వరలోనే దేశవ్యాప్తంగా డీలర్​ నెట్​వర్క్స్​లో వీటిని కొనుగోలు చేసుకోవచ్చు.

Enook electric scooter : ఈ ఇనక్​ రేంజ్​ ఎలక్ట్రిక్​ స్కూటర్లలో 250 వాట్​ బీఎల్​డీసీ మోటార్​ ఉంటుంది. 60వీ- 28ఏహెచ్​ ఎల్​ఎఫ్​పీ బ్యాటరీ ప్యాక్​ వీటి సొంతం. ఒక్కసారి ఛార్జ్​ చేస్తే.. ఈ ఈవీలు 90కి.మీ రేంజ్​ను ఇస్తాయి. పూర్తి ఛార్జింగ్​కు 3-4 గంటల సమయం పడుతుంది. అయితే ఇవి స్లో స్పీడ్​ ఈ-స్కూటర్లు. వీటి టాప్​ స్పీడ్​ 90 కేఎంపీహెచ్​ మాత్రమే.

ఇదీ చూడండి:- Ola S1X : ఓలా నుంచి మరో కొత్త ఎలక్ట్రిక్​ స్కూటర్​.. ‘ఎస్​1ఎక్స్’​ వచ్చేస్తోంది..!

"ఇన్నోవేటివ్​, సస్టైనబుల్​, అఫార్డిబుల్​ మొబిలిటీని నగరవాసులకు అందించడమే మా లక్ష్యం. ఇందులో భాగంగా హైదరాబాద్​లో తొలి ఇనక్​ షోరూమ్​ను లాంచ్​ చేశాము. నాలుగు ఈవీలను తీసుకొచ్చాము," అని సంస్థ ఎండీ హితేశ్​ పటేల్​ తెలిపారు.

Enook electric scooters range : ఈ ఈ-స్కూటర్లకు 150 కేజీల వరకు పేలోడ్​ కెపాసిటీ వస్తోంది. 10 ఇంచ్​ ట్యూబ్​లెస్​ టైర్స్​, అలాయ్​ వీల్స్​, ఎల్​సీడీ డిస్​ప్లే, టెలిస్కోపిక్​ ఫ్రెంట్​ ఫోర్క్స్​, ఈ-ఏబీఎస్​ వంటి ఫీచర్స్​ ఈ ఇనక్​ ఎలక్ట్రిక్​ స్కూటర్లలో ఉంటాయి. ఈ 2 వీలర్ల గ్రౌండ్​ క్లియరెన్స్​ 160ఎంఎం. అండర్​ సీట్​ స్టోరేజ్​ 19 లీటర్లు. జీపీఎస్​ ట్రాకింగ్​, యాప్​ బేస్ట్​ కెనెక్టివిటీ, రియల్​ టైమ్​ రైడ్​ ఇన్ఫర్మేషన్​ వంటివి కూడా ఉన్నాయి. అన్ని ఇనక్​ వాహనాలకు ఫుల్​ ఎల్​ఈడీ లైటింగ్​ లభిస్తోంది.

ఏథర్​ నుంచి మూడు స్కూటర్లు..!

ఈ మధ్య కాలంలో సంస్థలన్నీ పోటీపడి మరీ ఈ-స్కూటర్లను లాంచ్​ చేస్తున్నాయి. ప్రముఖ ఈవీ తయారీ సంస్థ ఏథర్​ ఎనర్జీ సైతం.. ఒకేసారి మూడు స్కూటర్లను మార్కెట్​లోకి తీసుకొచ్చింది. వాటి వివరాలు తెలుసుకునేందుకు ఇక్కడ క్లిక్​ చేయండి.