Moto G45 5G : ఇండియాలో మోటో జీ45 లాంచ్​ డేట్​ ఫిక్స్​- ఈ ఫీచర్స్​ చూస్తే కొనేస్తారు!

భారత స్మార్ట్​ఫోన్​ మార్కెట్​పై మోటోరోలా సంస్థ మరింత ఫోకస్​ చేసింది. ఈ నేపథ్యంలో సరికొత్త స్మార్ట్​ఫోన్​ని ఆగస్ట్​ 21న లాంచ్​ చేయనున్నట్టు ప్రకటించింది. ఈ గ్యాడ్జెట్​ పేరు మోటో జీ45. ఇదొక 5జీ స్మార్ట్​ఫోన్​. ఈ స్మార్ట్​ఫోన్ త్వరలో ప్రపంచ మార్కెట్లలో కూడా లాంచ్​ అవుతుందని అంచనా ఉన్నాయి. మోటోరోలా ఇండియా వెబ్​సైట్​తో సహా ఆఫ్​లైన్​ ప్లాట్​ఫామ్స్​లో దీని లభ్యతను ధృవీకరిస్తూ ఫ్లిప్​కార్ట్​ ఇప్పటికే ఓ ప్రకటన కూడా చేసింది.

మోటోరోలా జీ సిరీస్ స్మార్ట్​ఫోన్​ కొత్త మోడల్ ఆగస్ట్​ 21 మధ్యాహ్నం భారతదేశంలో లాంచ్ కానుంది. మోటో జీ45 5జీ స్మార్ట్​ఫోన్ వెజిటేరియన్​ లెథర్ డిజైన్​లో రానుంది.

ఫిప్​కార్ట్​ వివరాల ప్రకారం ఈ మోటో జీ45 5జీలో స్నాప్​డ్రాగన్ 6ఎస్​జెన్ 3 ఎస్​వోసీ చిప్​సెట్ ఉంటుంది. 8 జీబీ ర్యామ్, 128 జీబీ మెమరీ స్టోరేజ్ సామర్థ్యం ఈ స్మార్ట్​ఫోన్​ సొంతం. మైక్రో ఎస్​డీ కార్డు ద్వారా స్టోరేజ్​ను ఎక్స్​ప్యాండ్​ చేసుకోవచ్చు. 50 మెగాపిక్సెల్ ప్రైమరీ కెమెరాతో కూడిన డ్యూయెల్ కెమెరా సెటప్​ని ఈ స్మార్ట్​ఫోన్​ కలిగి ఉంటుంది.

ఈ స్మార్ట్​ఫోన్​ 120 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ 3 ప్రొటెక్షన్​తో కూడిన 6.5 ఇంచ్​ డిస్ప్లేను కలిగి ఉంటుంది. ఇందులో హై-రెస్ ఆడియో, డాల్బీ అట్మాస్, స్మార్ట్ కనెక్ట్​తో పాటు 13 5జీ బ్యాండ్​లను సపోర్ట్ చేస్తుంది.

మోటో జీ45 స్పెసిఫికేషన్లు (అంచనా)..

మోటోరోలా నుంచి వస్తున్న మోటో జీ45 5జీ స్మార్ట్​ఫోన్​కి సంబంధించిన అనేక లీక్స్​, రెండర్లు ఇంటర్నెట్​లో చక్కర్లు కొడుతున్నాయి. టిప్​స్టర్ఆర్సెన్ లుపిన్.. స్మార్ట్​ఫోన్ ఎక్స్​పెక్టెడ్​ డిజైన్​ను ప్రదర్శించడానికి మోటో జీ45 మార్కెటింగ్ మెటీరియల్ ఫొటోలను ఎక్స్​లో @MysteryLupin పోస్ట్ చేశారు. లీకైన చిత్రాల ప్రకారం ఈ స్మార్ట్​ఫోన్ బ్లూ, మెజెంటా, గ్రీన్ కలర్ వేరియంట్లలో వచ్చే అవకాశం ఉంది. ప్రీమియం లుక్​తో పాటు మంచి గ్రిప్​ను ఇవ్వడానికి ఈ స్మార్ట్​ఫోన్ వెనుక భాగంలో వెజిటేరియన్​ లెథర్ కవర్​ను కలిగి ఉండే అవకాశం ఉందని లీక్ సూచించింది. ఈ స్మార్ట్​ఫోన్ సైడ్స్​లో ఫ్లాట్​గా ఉండి నిగనిగలాడే ఫినిషింగ్​ను కలిగి ఉంటుందని అంచనాలు ఉన్నాయి. అయితే, ఇది ప్లాస్టిక్​తో వస్తుందని సమాచారం.

ఇండియాలో లాంచ్​కు రెడీ అవుతున్న మోటో జీ4 ఇతర ప్రధాన స్పెసిఫికేషన్లపై కూడా లీకులు వెలుగు చూశాయి. ఈ స్మార్ట్​ఫోన్​లో5000 ఎంఏహెచ్ బ్యాటరీ ఉండనుంది. ఇది కొంతమేర వాటర్​ రెసిస్టెన్స్​ కలిగి ఉండొచ్చు. పూర్తిస్థాయిలో నీటిలో మునిగితే మాత్రం, గ్యాడ్జెట్​ పనిచేయకపోవచ్చు!

ఈ స్మార్ట్​ఫోన్ పవర్ బటన్​తో కలిపిన సైడ్ మౌంటెడ్ ఫింగర్​ప్రింట్ రీడర్​ను కూడా కలిగిఉంటుందని రూమర్స్​ సూచిస్తున్నాయి. ఇది 3.5 ఎంఎం ఆడియో జాక్​ను కలిగి ఉంటుంది.

ఆగస్ట్​ 21న లాంచ్​ తర్వాత ఈ మోటో జీ45 5జీ ఇతర ఫీచర్లతో పాటు ధరకు సంబంధించిన వివరాలపై మరింత క్లారిటీ వస్తుంది. ఈ గ్యాడ్జెట్​ ప్రైజింగ్​ ముఖ్యంగా మారుతుందని మార్కెట్​ వర్గాలు భావిస్తున్నాయి. మరి ఈ స్మార్ట్​ఫోన్​ని మోటోరోలా ఏ ప్రైజ్​పాయింట్​లో తీసుకొస్తుందో చూడాలి.