Mahindra XUV700 : తక్కువ ధరతో ఎక్కువ ఫీచర్స్​.. మహీంద్రా ఎక్స్​యూవీ700 కొత్త వేరియంట్​ లాంచ్​!

Mahindra XUV700 AX5 select launch : మహీంద్రా అండ్ మహీంద్రాకు బెస్ట్​ సెల్లింగ్​ ఎస్​యూవీల్లో ఒకటి.. ఎక్స్​యూవీ700. ఇక ఇప్పుడు ఈ ఎస్​యూవీ కొత్త వేరియంట్​ను సంస్థ లాంచ్​ చేసింది. తక్కువ ధరలో మరిన్ని ప్రీమియం ఫీచర్లతో ఈ మహీంద్రా ఎక్స్​యూవీ700 ఏఎక్స్​5 సెలెక్ట్ వేరియంట్ లాంచ్​ అవ్వడం విశేషం. దీని ఎక్స్​షోరూం ధర రూ.16.89 లక్షలు. మోడల్ టాప్ వేరియంట్లలో ఎక్కువగా కనిపించే ఫీచర్లను ఇందులో పొందుపరిచింది సంస్థ. ఈ నేపథ్యంలో మహీంద్రా ఎక్స్​యూవీ700 కొత్త వేరియంట్​ వివరాలను ఇక్కడ తెలుసుకుందాము..

మహీంద్రా ఎక్స్​యూవీ700 ఏఎక్స్​5 సెలెక్ట్​ వేరియంట్​..

మహీంద్రా ఎక్స్​యూవీ700 ఎస్​యూవీ ఎక్స్​షోరూం రూ .27 లక్షల వరకు ఉంటుంది. పెట్రోల్, డీజిల్ ఇంజిన్ ఆప్షన్స్​తో, మేన్యువల్, ఆటోమేటిక్ ట్రాన్స్​మిషన్​ ఎంపికలతో ఆరు- ఏడు సీట్ల కాన్ఫిగరేషన్లలో ఈ వెహికిిల్​ లభిస్తుంది. కొత్తగా లాంచ్ అయిన ఎక్స్​యూవీ700 ఏఎక్స్5 సెలెక్ట్ వేరియంట్​లో స్కైరూఫ్, 10.24 ఇంచ్​ ఇన్ఫోటైన్​మెంట్ స్క్రీన్, పుష్ బటన్ స్టార్ట్/స్టాప్ ఫంక్షన్ వంటి ప్రత్యేకతలున్నాయి. ఈ వేరియంట్ ఏడు సీట్ల లేఅవుట్​తో వస్తోంది.

ఎక్స్​యూవీ700 ఎస్​యూవీ ఏఎక్స్5 సెలెక్ట్ వేరియంట్​లో వైర్ లెస్ ఆండ్రాయిడ్ ఆటో, యాపిల్ కార్​ప్లే, సౌండ్ స్టేజింగ్​తో ఆరు స్పీకర్లు, ఇన్ఫోటైన్​మెంట్ స్క్రీన్​పై ఆండ్రినోఎక్స్ సిస్టెమ్, అమెజాన్ అలెక్సా బిల్ట్ ఇన్, ఎల్​ఈడీ డీఆర్​ఎల్​లు, ఫుల్ సైజ్ వీల్ కవర్ తదితర ఫీచర్లు ఉన్నాయి.

Mahindra XUV700 on road price in Hyderabad : మహీంద్రా ఎక్స్​యూవీ700 ఎస్​యూవీ ఏఎక్స్ 5 సెలెక్ట్ వేరియంట్ ప్రధానంగా ఈ టాప్-ఎండ్ ఫీచర్లలో కొన్నింటిని కోరుకునే ప్రేక్షకులను లక్ష్యంగా చేసుకుందని, ఎస్​యూవీ టాప్ వేరియంట్​ను ఎంచుకునే బడ్జెట్ లేని వారికి ఇది చక్కటి ఆప్షన్​ అవుతుందని మహీంద్రా ఒక పత్రికా ప్రకటన ద్వారా తెలియజేసింది.

మహీంద్రా ఎక్స్​యూవీ700 వెయిటింగ్ పీరియడ్..

2021 ఆగస్టులో మొదటిసారిగా లాంచ్ అయిన ఈ ఎక్స్​యూవీ 700 మహీంద్రా క్యాంప్ నుంచి అత్యంత ప్రాచుర్యం పొందిన ప్రాడక్ట్స్​లో ఒకటి. అత్యాధునిక ఫీచర్లు, సమర్థవంతమైన డ్రైవ్​తో కూడిన అర్బన్ ఎస్​యూవీగా ఇది నిలిచింది. ప్రధానంగా దీనికి అనుకూలంగా పనిచేసింది దాని ఆధునిక స్టైలింగ్, ఫీచర్ ప్యాక్డ్ క్యాబిన్. అందుకే దీనికి మంచి డిమాండ్​ లభిస్తోంది.

Mahindra XUV700 : మహీంద్రా ఎక్స్​యూవీ700 సక్సెస్​తో దాని కోసం వెయిటింగ్ పీరియడ్ చాలా నెలలు కొనసాగింది. అయితే, ఎక్స్​యూవీ 700 ఉత్పత్తి సామర్థ్యాన్ని పెంచినట్లు కంపెనీ ఇటీవలే తెలిపింది. ప్రస్తుతం మహీంద్రా ఎక్స్​యూవీ700 వెయిటింగ్ పీరియడ్ నాలుగు నుంచి ఎనిమిది వారాల మధ్య ఉంది. ఎక్స్​యూవీ 700 కోసం వెయిటింగ్ పీరియడ్.. ఎంచుకున్న వేరియంట్ పై ఆధారపడి ఉంటుందని గమనించాలి.

మహీంద్రా కేవలం భారత మార్కెట్లోనే కాకుండా దక్షిణాఫ్రికా, ఆస్ట్రేలియా, నేపాల్, న్యూజిలాండ్ వంటి విదేశీ మార్కెట్లలో కూడా ఈ ఎక్స్ యూవీ700ని విక్రయిస్తోంది.

ఇక ఈ కొత్త మహీంద్రా ఎక్స్​యూవీ700 ఏఎక్స్​5 సెలెక్ట్​ వేరియంట్​తో ఈ ఎస్​యూవీకి డిమాండ్​ మరింత పెరుగుతుందని సంస్థ భావిస్తోంది.