WhatsApp new features : రానున్న 5 కొత్త వాట్సాప్​ ఫీచర్స్​ ఇవే.. ఓ లుక్కేయండి!

WhatsApp new features : ప్రపంచవ్యాప్తంగా ఉన్న ప్రముఖ సామాజిక మాధ్యమాల్లో వాట్సాప్​ ఒకటి. ఒక్క ఇండియాలోనే వాట్సాప్​కు 50కోట్లకుపైగా యూజర్లు ఉన్నారు. ఇక యూజర్లను ఆకట్టుకునేందుకు ఈ ఫేస్​బుక్​ ఆధారిత వాట్సాప్​ ఎప్పటికప్పుడు కృషి చేస్తూనే ఉంటుంది. ఇందుకు తగ్గట్టుగానే కొత్త ఫీచర్లతో యూజర్లను నిత్యం పలకరిస్తుంది. ఈ క్రమంలో.. రానున్న 5 వాట్సాప్​ ఫీచర్ల గురించి ఇప్పుడు తెలుసుకుందాము. ఈ ఫీచర్స్​ వాట్సాప్​ వెబ్​, ఫోన్​ యాప్​కు రానున్నాయి.

చాట్​ విత్​ యువర్​సెల్ఫ్​..!

ప్రస్తుతం వాట్సాప్​ యూజర్లు తమకి తాము మెసేజ్​ చేసుకోవచ్చు. ఈ కొత్త ఫీచర్​తో చాట్​కు 'మెసేజ్​ యువర్​సెల్ఫ్​' ఆఫ్షన్​ యాడ్​ అవుతుంది. వాట్సాప్​ కాంటాక్ట్స్​ లిస్ట్​లో చాట్​ విత్​ యువర్​ ఫోన్​ నెంబర్​ ఆప్షన్​ కూడా ఉండదనుందని వాబీటాఇన్​ఫో నివేదిక పేర్కొంది.

గ్రూప్​ చాట్స్​లో ప్రొఫైల్​ ఫొటోస్​..

WhatsApp latest features : గ్రూప్​ చాట్స్​లోని వారికి ప్రొఫైల్​ ఫొటోలు పెట్టుకునే అవకాశాన్ని కల్పించేందుకు ఓ కొత్త ఫీచర్​ను తీసుకురానుంది వాట్సాప్​. ఈ ఫీచర్​తో.. గ్రూప్​లో ఏదైనా మెసేజ్​ వస్తే.. ఆ మెసేజ్​ పంపిన వారి ప్రొఫైల్​ ఫొటో కనిపిస్తుందని సమాచారం. ప్రైవసీ సెట్టింగ్స్​ లేదా ప్రొఫైల్​ ఫొటో కనిపించకపోతే.. గ్రూప్​ చాట్​లో డీఫాల్ట్​ ప్రొఫైల్​ దర్శనమిస్తుంది.

మీడియాకు క్యాప్షన్​..

మెసేజ్​లు, వీడియోలు, జిఫ్​లు, డాక్యుమెంట్లతో పాటు వాటి కింది క్యాప్షన్లు కూడా జత చేసే ఫీచర్​ను వాట్సాప్​ అభివృద్ధి చేస్తోంది. ఆండ్రాయిడ్​ వాట్సాప్​ బీటా 2.22.23.15 వర్షెన్​లో ఇది అందుబాటులో ఉంది. ఇతర డివైజ్​లకు కూడా త్వరలోనే ఈ ఫీచర్​ అందుబాటులోకి రానుంది.

ఇమేజ్​లకు బ్లర్​ ఆప్షన్​..

WhatsApp latest news : వాట్సాప్​లో ఇమేజ్​లను బ్లర్​ చేసే ఆప్షన్​ ప్రస్తుతం కొన్ని డెస్క్​టాప్​ బీటా టెస్టర్లకే ఉంది. ఏదైనా ఇమేజ్​ పంపిచేడప్పుడు.. అందులోని సున్నితమైన అంశాలను నీట్​గా బ్లర్​ చేసేందుకు ఈ ఆప్షన్​ పనికొస్తుంది. ఇందుకోసం రెండు బ్లర్​ టూల్స్​ను వాట్సాప్​ సిద్ధం చేస్తున్నట్టు తెలుస్తోంది. బ్లర్​ సైజ్​ను కూడా యూజర్లు ఎంచుకోవచ్చు.

డెస్క్​టాప్​లో.. మీడియా ఆటో డౌన్​లోడ్​

డెస్క్​టాప్​లో మీడియాను క్లిక్​ చేస్తే కానీ ప్రస్తుతం డౌన్​లోడ్​ అవ్వడం లేదు. దీనికి ఆటో వర్షెన్​ను ఇచ్చేందుకు మీడియా ప్రయత్నిస్తోంది. ఫొటోలు, వీడియోలు, డాక్యమెంట్లు వంటివి ఆటో డౌన్​లోడ్​ చేసుకునే విధంగా సెట్టింగ్స్​లో ఆప్షన్లు తీసుకొస్తుంది వాట్సాప్​.