Kia EV9 vs BMW iX : కియా ఈవీ9 వర్సెస్ బీఎమ్​డబ్ల్యూ ఐఎక్స్- ఏది బెస్ట్​?

కియా ఈవీ9 ఎలక్ట్రిక్​ ఎస్​యూవీని భారత దేశ లగ్జరీ వాహనాల సెగ్మెంట్​లో సంస్థ లాంచ్​ చేసింది. ఈ మోడల్​ ఇప్పుడు బీఎమ్​డ్ల్యూ ఐఎక్స్​తో గట్టి పోటీ పడుతుంది. ఈ నేపథ్యంలో ఈ రెండింటినీ పోల్చి, ఏది బెస్ట్​? అన్నది ఇక్కడ తెలుసుకుందాము..

కియా ఈవీ9 వర్సెస్ బీఎమ్​డబ్ల్యూ ఐఎక్స్: స్పెసిఫికేషన్లు..

కియా ఈవీ9 99.8 కిలోవాట్ల బ్యాటరీతో వస్తుంది. ఇది సుమారు 561 కిలోమీటర్ల డ్రైవింగ్ పరిధిని అందిస్తుంది. ఈవీ9 మోటార్ సుమారుగా 378 బీహెచ్​పీ పవర్, 700 ఎన్ఎమ్ టార్క్​ని జనరేట్​ చేస్తుంది. ఇది కేవలం 5.3 సెకన్లలో 0 నుంచి 100 కిలోమీటర్ల వేగాన్ని అందుకుంటుంది. ఛార్జింగ్ కోసం, ఈవీ9 350 కిలోవాట్ల వరకు ఫాస్ట్ ఛార్జింగ్ ఉపయోగించి కేవలం 24 నిమిషాల్లో 10 నుంచి 80 శాతం బ్యాటరీ ఛార్జ్​ని పొందవచ్చు.

మరోవైపు బీఎమ్​డబ్ల్యూ ఐఎక్స్ 105.2 కిలోవాట్ల బ్యాటరీతో పనిచేస్తుంది. అనువైన పరిస్థితుల్లో గరిష్టంగా 635 కిలోమీటర్ల పరిధిని అందిస్తుంది. ఐఎక్స్ 516 బీహెచ్​పీ పవర్, 765 ఎన్ఎమ్ టార్క్​ను ఉత్పత్తి చేస్తుంది. ఇది కేవలం 4.6 సెకన్లలో 0 నుంచి 100 కిలోమీటర్ల వేగాన్ని అందుకుంటుంది. 195 కిలోవాట్ల వద్ద డీసీ ఫాస్ట్ ఛార్జింగ్ ద్వారా ఐఎక్స్ ను 10 నుంచి 80 శాతం ఛార్జ్ చేయడానికి 35 నిమిషాలు పడుతుంది.

కియా ఈవీ9 వర్సెస్ బీఎమ్​డబ్ల్యూ ఐఎక్స్: డిజైన్, ఫీచర్స్​..

కియా ఈవీ9 అనేది చాలా పెద్ద, 7 సీట్ల ఎలక్ట్రిక్ ఎస్​యూవీ. ఇది ఫ్యామిలీ కంఫర్ట్​ని దృష్టిలో ఉంచుకుని నిర్మించిన ఈవీ. దీని బాక్సీ డిజైన్, పెద్ద కొలతలు, బోల్డ్ లైన్లు దీనికి సాంప్రదాయ ఎస్​యూవీ రూపాన్ని ఇస్తాయి. లోపల, ఈవీ9 మూడు వరుసల సీటింగ్​తో విశాలమైన క్యాబిన్​ను అందిస్తుంది. రెండో వరుసలో కెప్టెన్ సీట్లు, మూడో వరుసలో 60:40 నిష్పత్తిలో మొత్తం ఏడుగురు కూర్చునే స్ల్పిట్​ బెంచ్ ఉంటుంది.

డ్యాష్​బోర్డులో రెండు పెద్ద 12.3 ఇంచ్​ స్క్రీన్లను అమర్చారు. ఇవి పనోరమిక్ డిజిటల్ కాక్​పిట్​ని తయారు చేస్తాయి. వీటిలో డ్రైవర్ డిస్​ప్లే, ఇన్ఫోటైన్మెంట్ సిస్టెమ్​ ఉన్నాయి. వెహికల్-టు-లోడ్ (వి2ఎల్), 3-జోన్ క్లైమేట్ కంట్రోల్, కూల్డ్ వైర్లెస్ ఛార్జర్, 27 ఏడీఏఎస్ ఫీచర్లు, మెరిడియన్ సౌండ్ సిస్టెమ్ వంటి ఆధునిక సౌకర్యాలు ఉన్నాయి.

బీఎమ్​డబ్ల్యూ ఐఎక్స్ ప్రత్యేకమైన డిజైన్​తో ఫ్యూచరిస్టిక్ స్టైలింగ్​ని మిళితం చేస్తుంది. ఐకానిక్ కిడ్నీ గ్రిల్​తో మృదువైన, ఏరోడైనమిక్ స్టైలింగ్ పొందుతుంది. ఇంటీరియర్ అంతా లగ్జరీ, హైటెక్ ఫీచర్లతో ఉంటుంది. ఐఎక్స్​లో 14.9 ఇంచ్​ కర్వ్​డ్ ఇన్ఫోటైన్​మెంట్ స్క్రీన్, 12.3 ఇంచ్​ డిజిటల్ డ్రైవర్ డిస్​ప్లే ఉన్నాయి. అయితే, ఐఎక్స్​లో ఐదుగురు మాత్రమే కూర్చోగలరు.

ఐఎక్స్​లో గెస్చర్ కంట్రోల్, పనోరమిక్ సన్​రూఫ్, ఫ్రేమ్-లెస్ డోర్స్, హర్మన్ కార్డన్ సౌండ్ సిస్టెమ్, ఎయిర్ సస్పెన్షన్ వంటి అత్యాధునిక ఫీచర్లు ఉన్నాయి. ఐఎక్స్​లో పార్క్ అసిస్ట్, లేన్ డిపార్చర్ వార్నింగ్, కొలిషన్ వార్నింగ్, ఇతర ఏడీఏఎస్ కిట్ ఫీచర్లు కూడా ఉన్నాయి.

కియా ఈవీ9 వర్సెస్ బీఎండబ్ల్యూ ఐఎక్స్: ధర..

కియా ఈవీ9 ధర భారతదేశంలో రూ.1.29 కోట్లు. జీటీ-లైన్ వేరియంట్​లో మాత్రమే వస్తుంది. పెద్ద సైజు, ఏడు సీట్ల కాన్ఫిగరేషన్, ఫ్యూచరిస్టిక్ టెక్నాలజీ కారణంగా ఇది ఫ్యామిలీ ఫ్రెండ్లీ ఫీచర్లతో ప్రీమియం ఎలక్ట్రిక్ ఎస్​యూవీ కోసం చూస్తున్నవారికి అద్భుతమైన విలువను అందిస్తుంది.

మరోవైపు బీఎమ్​డబ్ల్యూ ఐఎక్స్ ఎక్స్​డ్రైవ్40 వేరియంట్ ధర రూ.1.39 కోట్లు. ఈవీ9 బేస్ మోడల్ కంటే ఇది కొంచెం ఖరీదైనది అయినప్పటికీ, ఐఎక్స్ బీఎమ్​డబ్ల్యూ బ్యాడ్జ్​ని కలిగి ఉంది. ఇది లగ్జరీ, మెరుగైన డ్రైవింగ్ డైనమిక్స్. అత్యాధునిక టెక్నాలజీని సూచిస్తుంది.