ITR filing 2023 : ఐటీఆర్​ ఫైల్​ చేస్తున్నారా? ముందు ఇది తెలుసుకోండి..

ITR filing 2023 : 2022-23 ఆర్థిక ఏడాదికి సంబంధించి ఐటీఆర్​ (ఇన్​కమ్​ ట్యాక్స్​ రిటర్న్​) ఫైలింగ్​ హడావుడి మొదలైంది. చాలా మంది వేతన జీవులకు ఇప్పటికే ఫార్మ్​ 16 అంది ఉంటుంది. అయితే.. ఐటీఆర్​ ఫైలింగ్​కి ముందు సంబంధిత బ్యాంక్​ అకౌంట్​ను ప్రీ-వాలిడేట్​ చేసుకోవడం చాలా కీలకం. మరీ ముఖ్యంగా, ఎక్కువ ట్యాక్స్​ చెల్లించి, రీఫండ్​ కోసం ఎదురుచూసే వారు తమ బ్యాంక్​ అకౌంట్లను కచ్చితంగా ప్రీ వాలిడేట్​ చేసుకోవాలి. లేకపోతే.. ఐటీశాఖ రీఫండ్​ చేయలేకపోవచ్చు.

ఇక ఇప్పుడు.. ఈ- పే ట్యాక్స్​ సేవలను డీసీబీ బ్యాంక్​ మొదలుపెట్టింది. ఓవర్​ కౌంటర్​, నెట్​ బ్యాంకింగ్​ ఆప్షన్స్​తో ఈ సేవలను ఇస్తోంది. ఫలితంగా.. ట్యాక్స్​ పేమెంట్స్​ కోసం ఈ- పే ట్యాక్స్​ సర్వీసు అందుబాటులో ఉన్న బ్యాంక్​ల సంఖ్య 25కు చేరింది. అవి..

యాక్సిస్​ బ్యాంక్​

బ్యాంక్​ ఆఫ్​ బరోడా

బ్యాంక్​ ఆఫ్​ ఇండియా

బ్యాంక్​ ఆఫ్​ మహారాష్ట్ర

కెనరా బ్యాంక్​

సెంట్రల్​ బ్యాంక్​ ఆఫ్​ ఇండియా

సిటీ యూనియన్​ బ్యాంక్​

డీసీబీ బ్యాంక్​

ఫెడరల్​ బ్యాంక్​

హెచ్​డీఎఫ్​సీ బ్యాంక్​

ఐసీఐసీఐ బ్యాంక్​

ఐడీబీఐ బ్యాంక్​

ఇండియన్​ బ్యాంక్​

ఇండియన్​ ఓవర్​సీస్​ బ్యాంక్​

ఇండస్​ఇండ్​ బ్యాంక్​

జమ్ముకశ్మీర్​ బ్యాంక్​

కరూర్​ వైశ్య బ్యాంక్​

కొటాక్​ మహీంద్రా బ్యాంక్​

పంజాబ్​ నేషనల్​ బ్యాంక్​

పంజాబ్​ అండ్​ సింద్​ బ్యాంక్​

ఆర్​బీఎల్​ బ్యాంక్​

స్టేట్​ బ్యాంక్​ ఆఫ్​ ఇండియా

యూకో బ్యాంక్​

యూనియన్​ బ్యాంక్​.

ఈ తప్పులు చేయకండి..

ట్యాక్స్​ ఫైలింగ్​లో చాలా మంది సాధారణంగా కొన్ని తప్పులు చేస్తుంటారు. ఇన్​కమ్​ ట్యాక్స్​ రిటర్న్​ని వెరిఫై చేయకపోవడం ఇందులో ఒకటి. ఐటీశాఖ నుంచి నోటిసులు వచ్చినప్పుడే, పన్నుచెల్లింపుదారులకు ఇది గుర్తొస్తుంది. తప్పు జరిగిపోతే, సరిచేసుకోవడానికి చాలా సమయం పడుతుంది.

ప్రస్తుతం.. ఐటీఆర్​ ఫార్మ్​ సబ్మీట్​ చేసిన 30 రోజులలోపు ఐటీఆర్​ను వెరిఫై చేసుకునే వెసులుబాటు ఉంటుంది.

ఐటీఐర్​ ఫైలింగ్​కు డెడ్​లైన్​..

ఎఫ్​వై2022-23 ఐటీఆర్​ ఫైలింగ్​కు జులై 31 డెడ్​లైన్​. ఈలోపే ఇన్​కమ్​ ట్యాక్స్​ను ఫైల్​ చేయాలి. లేకపోతే ఆదాయపు పన్నుశాఖ నుంచి భారీగా పెనాల్టీ ఎదుర్కోవాల్సి వస్తుంది.