Hyundai Verna 2023 bookings : సరికొత్తగా హ్యుందాయ్​ వెర్నా.. బుకింగ్స్​ షురూ

2023 Hyundai Verna bookings : కొన్నేళ్ల క్రితం లాంచ్​ అయిన 'వెర్నా' మోడల్​తో ప్రముఖ ఆటోమొబైల్​ సంస్థ హ్యుందాయ్​ భారీ హిట్​ కొట్టింది. ఇక ఇప్పుడు వెర్నాను సరికొత్తగా తీసుకురాబోతోంది! అతి త్వరలోనే.. ఇండియాతో పాటు అంతర్జాతీయ మార్కెట్​లో 2023 హ్యుందాయ్​ వెర్నా లాంచ్​కానుంది. ఈ నేపథ్యంలో ఈ కాంపాక్ట్​ సెడాన్​కు సంబంధించిన బుకింగ్స్​ కొన్ని డీలర్​షిప్​ షోరూమ్​లలో ప్రారంభమయ్యాయి.

వోక్స్​వ్యాగన్​.. స్కోడాకు పోటీగా..!

ఈ నెక్స్ట్​ జెన్​ హ్యుందాయ్​ వెర్నాకు బీఎన్​7ఐ అని కోడ్​నేమ్​ పెట్టింది ఆ సంస్థ. కాగా కొన్ని డీలర్​షిప్​ షోరూమ్​లలో మాత్రమే అనధికారికంగా బుకింగ్స్​ సాగుతున్నట్టు సమాచారం. 2023 హ్యుందాయ్​ వెర్నాలో డిజైన్​, టెక్నాలజీ పరంగా మార్పులు చోటుచేసుకోవచ్చని తెలుస్తోంది. వోక్స్​వ్యాగన్​ వర్టూస్​, స్కోడా స్లావియా, హోండా సిటీ వంటి మోడల్స్​కు గట్టి పోటీనిచ్చే విధంగా హ్యుందాయ్​ దీనిని రూపొందిస్తున్నట్టు సమాచారం.

2023 Hyundai Verna price : ఇక 2023 హ్యుందాయ్​ వెర్నాలో వైడ్​ గ్రిల్స్​, స్వెప్ట్​బ్యాక్​ హెడ్​ల్యాంప్స్​, అసెంచుయేటెడ్​ లైన్స్​, వ్రాప్​అరౌండ్​ ఎల్​ఈడీ టెయిల్​లైట్స్​తో పాటు మరిన్ని ఫీచర్స్​ ఉండే అవకాశం ఉంది. ఐయానిక్​ 5తో పోలి ఉండే డ్యుయెల్​ స్క్రీన్​.. క్యాబిన్​లో ఉండొచ్చు. ఏడీఏఎస్​ సేఫ్టీ​, స్పాట్​ అసిస్ట్​, లేన్​ డిపార్చర్​ వార్నింగ్​, లేన్​ కీపింగ్​ అసిస్ట్​తో పాటు మరిన్ని ఫీచర్స్​ దీనికి దక్కే సూచనలు కనిపిస్తున్నాయి.

హ్యుందాయ్​ వెర్నా ఇంజిన్​..

నెక్స్ట్​ జెన్​ వెర్నా డైమెన్షన్​ కూడా కాస్త పెరిగే అవకాశం ఉంది. సెకెండ్​ రోలో ఇంకాస్త స్పేస్​ ఉండొచ్చు. మరోవైపు ఇందులో 1.5 లీటర్​ నేచురల్లీ ఆస్పిరేటెడ్​ పెట్రోల్​, 1.4 లీటర్​ టర్బో పెట్రోల్​ వంటి ఇంజిన్​ ఆప్షన్లు ఉండొచ్చు. ప్రస్తుత వెర్నా మోడల్​లో 1.0 లీటర్​ టర్బో పెట్రోల్​ ఇంజిన్​ ఉంది. 1.5 లీటర్​ డీజిల్​ ఇంజిన్​ను డిస్కంటిన్యూ చేసింది హ్యుందాయ్​.

Next generation Hyundai Verna launch : 2023 హ్యుందాయ్​ వెర్నా.. ఇండియాలోనే తయారవుతున్నట్టు సమాచారం. లాటిన్​ అమెరికా, మిడిల్​ ఈస్ట్​తో పాటు మరిన్న దేశాలకు దీనిని ఇండియా నుంచి ఎగుమతి చేసేందుకు హ్యుందాయ్​ చూస్తున్నట్టు తెలుస్తోంది.

సరికొత్త హ్యుందాయ్​ వెర్నాకు సంబంధించిన ఫీచర్స్​, స్పెసిఫికేషన్స్​, ధర వంటి వివరాలు ఇంకా బయటకు రాలేదు. రానున్న రోజుల్లో దీనిపై హ్యుందాయ్​ నుంచి మరింత క్లారిటీ వచ్చే అవకాశం ఉంది. లాంచ్​ డేట్​ని కూడా సంస్థ ప్రకటించాల్సి ఉంది.

Hyundai Verna on road price Hyderabad : సెడాన్​ మోడల్స్​లో గతంలో హ్యుందాయ్​ వెర్నాకు మంచి డిమాండ్​ కనిపించింది. ఇక ఇప్పుడు సరికొత్తగా వెర్నా వస్తుండటంతో ఆటోమొబైల్​ ప్రియుల్లో ఆసక్తి పెరిగింది.