Hyundai Venue SUV: హ్యుండాయ్ వెన్యూ ఎస్‍యూవీకి అప్‍డేటెడ్ వెర్షన్లు.. ధరల పెంపు
Hyundai Venue SUV: హ్యుండాయ్ వెన్యూ ఎస్‍యూవీ అప్‍డేటెడ్ వెర్షన్ అందుబాటులోకి వచ్చింది. ఈ కొత్త వెర్షన్ ధరలను రూ.25,000 వరకు పెంచింది హ్యుండాయ్. వివరాలివే..
Hyundai Venue SUV: కాంపాక్ట్ ఎస్‍యూవీ ‘వెన్యూ’కు అప్‍డేటెడ్ వెర్షన్‍ను హ్యుండాయ్ తీసుకొచ్చింది. పెట్రోల్, డీజిల్ వేరియంట్లలో అప్‍డేటెడ్ మోడళ్లను అందుబాటులోకి తెచ్చింది. కొన్ని కొత్త ఫీచర్లు కూడా యాడ్ అయ్యాయి. హ్యుండాయ్ వెన్యూ అప్‍డేటెడ్ లైనప్‍లో 8 పెట్రోల్ వేరియంట్లపై రూ.25వేల వరకు ధరలు పెంచింది హ్యుండాయ్. సైడ్ ఎయిర్ బ్యాగ్స్.. పెట్రోల్, డీజిల్ కొత్త వెర్షన్లకు యాడ్ అయ్యాయి.
Hyundai Venue SUV: హ్యుందాయ్ వెన్యూ ఎస్‍యూవీ పెట్రోల్ వేరియంట్ల ధర వివరాలు
| వేరియంట్ | కొత్త ధర | పాత ధర | డిఫరెన్స్ |
| ఈ 1.2 ఎంటీ | రూ.7.68 లక్షలు | రూ.7.62 లక్షలు | రూ.6వేలు |
| ఎస్ 1.2 ఎంటీ | రూ.8.90 లక్షలు | రూ.8.79 లక్షలు | రూ.11వేలు |
| ఎస్(0) 1.2 ఎంటీ | రూ.9.73 లక్షలు | రూ.9.58 లక్షలు | రూ.15వేలు |
| ఎస్(0) 1.0 ఐఎంటీ | రూ.10.40 లక్షలు | రూ.10.15 లక్షలు | రూ.25వేలు |
| ఎస్ఎక్స్ 1.2 ఎంటీ | రూ,10.89 లక్షలు | రూ.10.77 లక్షలు | రూ.12వేలు |
| ఎస్(0) 1.0 డీసీటీ | రూ.11.36 లక్షలు | రూ.11.11 లక్షలు | రూ.25వేలు |
| ఎస్ఎక్స్ (0) 1.0 ఐఎంటీ | రూ.12.31 లక్షలు | రూ.12.06 లక్షలు | రూ.25వేలు |
| ఎస్ఎక్స్ (0) 1.0 డీసీటీ | రూ.12.96 లక్షలు | రూ.12.71 లక్షలు | రూ.25వేలు |
హ్యుండాయ్ వెన్యూ ఎస్‍యూవీ పెట్రోల్ వేరియంట్ నయా వెర్షన్ ప్రారంభ ధర రూ.7.68 లక్షలకు చేరింది. టాప్ వేరియంట్ రూ.12.96లక్షలుగా ఉంది.
హ్యుండాయ్ వెన్యూ ఎస్+ 1.5 ఎం డీజిల్ వేరియంట్‍పై రూ.25వేలు పెరిగి ధర రూ.10.40లక్షలకు చేరింది. ఎస్ఎక్స్ 1.5 ఎంటీ (రూ.11.62లక్షలు), ఎస్ఎక్స్(0) 1.5ఎంటీ (రూ.12.51 లక్షలు)పై పాత ధరలే కొనసాగాయి. కొత్త వెర్షన్‍లో డీజిల్ ఇంజిన్ అప్‍డేట్ అయింది. ఇప్పుడు ఈ ఇంజిన్ 115హెచ్‍పీ వరకు గరిష్ఠ పవర్‌ను జనరేట్ చేయగలదు.
ఆండ్రాయిడ్ ఆటో, యాపిల్ కార్ ప్లే కనెక్టివిటీ సపోర్ట్ ఉండే 8 ఇంచుల టచ్‍స్క్రీన్ ఇన్ఫోటైన్‍మెంట్ డిస్‍ప్లే, బ్లూలింక్ కనెక్టెడ్ కార్ టెక్నాలజీ, ఎలక్ట్రిక్ సన్‍రూఫ్, బోస్ ఆడియో సిస్టమ్ లాంటి ఫీచర్లను హ్యుండాయ్ వెన్యూ ఎస్‍యూవీ కలిగి ఉంది. పెట్రోల్, డీజిల్ ఇంజిన్ వేరియంట్లు అందుబాటులో ఉన్నాయి.
సంబంధిత కథనం