Elon Musk Twitter : మస్క్​ చేతికి ట్విట్టర్​.. పరాగ్​ అగర్వాల్​పై వేటు!

Elon Musk takes control of Twitter : దాదాపు 6 నెలల ఉత్కంఠకు తెరపడింది! అపర కుబేరుడు ఎలాన్​ మస్క్​.. సామాజిక మాధ్యమ దిగ్గజం ట్విట్టర్​ డీల్​ పుర్తయింది. ట్విట్టర్​ను మస్క్​ తన సొంతం చేసుకున్నారు.

ట్విట్టర్​ను సొంతం చేసుకున్న కొద్ది గంటల్లోనే.. సీఈఓ పరాగ్​ అగర్వాల్​ను మస్క్​ తొలగించినట్టు తెలుస్తోంది. పరాగ్​ అగర్వాల్​తో పాటు మరో ఇద్దరిపైనా టెస్లా సీఈఓ వేటు వేసినట్టు సమాచారం.

ఎలాన్​ మస్క్​ చేతికి ట్విట్టర్​..

Elon Musk twitter :ఈ ఏడాది తొలినాళ్ల నుంచి ఈ వ్యవహారంపై ఊహాగానాలు జోరుగా సాగాయి. ట్విట్టర్​ను కొనుగోలు చేసేందుకు ఎలాన్​ మస్క్​ యోచిస్తున్నట్టు వార్తలు వచ్చాయి. అందుకు తగ్గట్టుగానే మస్క్​ ట్వీట్లు ఉండేవి. ట్విట్టర్​లో భావ ప్రకటనా స్వేచ్ఛను పెంపొందించాలని ఆయన అభిప్రాయపడ్డారు. ఈ నేపథ్యంలో.. ట్విట్టర్​ నిరాకరించలేని విధంగా ధరను ఆఫర్​ చేశారు. ఇక మస్క్​ చేతిలో ట్విట్టర్​ని పెట్టేందుకు షేర్​హోల్డర్లు కూడా గ్రీన్​ సిగ్నల్​ ఇచ్చారు. ఫలితంగా 44బిలియన్​ డాలర్లు పెట్టి ట్విట్టర్​ను కొనుగోలు చేశారు ఎలాన్​ మస్క్​.

అంతా సాఫీగా సాగిపోతున్న సమయంలో.. ట్విట్టర్​ డీల్​కు బ్రేక్​ పడింది. ట్విట్టర్​ చెప్పిన దానికన్నా.. సామాజిక మాధ్యమంలో బాట్​​ ఖాతాలు ఎక్కువగా ఉన్నాయని వార్తలు వచ్చాయి. వాటిని సీరియస్​గా పరిగణించారు ఎలాన్​ మస్క్​. పూర్తి డేటాను బయటపెట్టాలని డిమాండ్​ చేశారు. అందుకు ట్విట్టర్​ ఒప్పుకోలేదు. డీల్​పై చర్చల సమయంలోనే సమాచారం ఇచ్చామని చెప్పింది. ఆగ్రహంతో ట్విట్టర్​ డీల్​ను నిలిపివేశారు ఎలాన్​ మస్క్​.

Elon Musk twitter deal : ఆ తర్వాత ఈ వ్యవహారం కోర్టుకు వెళ్లింది. ట్విట్టర్​, ఎలాన్​ మస్క్​ మధ్య వివాదం నడిచింది. ఈ క్రమంలోనే ట్విట్టర్​ సీఈఓ పరాగ్​ అగర్వాల్​, మస్క్​ విభేదాలు మొదలైనట్టు తెలిసింది.

ఈ నేపథ్యంలో.. శుక్రువారం లోపు ట్విట్టర్​ను కొనుగోలు చేయాలని మస్క్​కు డెడ్​లైన్​ ఇచ్చింది అక్కడి కోర్టు. అందుకు తగ్గట్టుగానే.. ట్విట్టర్​తో డీల్​ని పూర్తి చేశారు టెస్లా సీఈఓ. అంతకన్నా ముందు.. తన ట్విట్టర్​ బయోను 'చీఫ్​ ట్వీట్​'గా మార్చారు.

Elon Musk latest news : ఎలాన్​ మస్క్​ రాకతో తమ ఉద్యోగాలు పోతాయేమో అని చాలా మంది ఉద్యోగులు భయపడ్డారు. ఇందుకు తగ్గట్టుగానే చాలా మంది ఇప్పటికే ట్విట్టర్​ను వదిలేశారు. ఇంకొందరు మాత్రం.. మస్క్​కు సహకరించేందుకు సిద్ధంగా ఉన్నామని చెబుతూ.. సంస్థలోనే ఉండిపోయారు. మరి వారిపైనా మస్క్​ వేటు వేస్తారా? లేదా అన్నది వేచి చూడాలి.