Soundbar | డాల్బీ ఆడియో, 220వాట్స్ సౌండ్ ఔట్‍పుట్‍తో కొత్త సౌండ్‍బార్‌ వచ్చేసింది: వివరాలివే

Blaupunkt SBWL100 Soundbar: జర్మన్ బ్రాండ్ బ్లౌపంక్ట్ మరో సౌండ్‍బార్‌ను భారత మార్కెట్‍లోకి తెచ్చింది. ఏకంగా 220 వాట్ల సౌండ్ ఔట్‍పుట్ ఉండేలా దీన్ని లాంచ్ చేసింది. ఈ సౌండ్‍బార్‌తో పాటు సబ్‍వూఫర్ కూడా వస్తుంది. బ్లూటూత్ కనెక్టివిటీతో వైర్లెస్ సౌండ్‍బార్‌‍గా ఇది పని చేస్తుంది. వైర్డ్ కనెక్షన్ కోసం విభిన్న కనెక్టివిటీ ఆప్షన్లు ఉంటాయి. నాలుగు మోడ్‍లను కలిగి ఉంది. బ్లౌపంక్ట్ ఎస్‍డబ్ల్యూఎల్100 పూర్తి వివరాలు ఇవే.

బ్లౌపంక్ట్ ఎస్‍డబ్ల్యూఎల్100 స్పెసిఫికేషన్లు, ఫీచర్లు

Blaupunkt SBWL100 Soundbar: బ్లౌపంక్ట్ ఎస్‍డబ్ల్యూఎల్100 సౌండ్‍బార్‌లో మొత్తంగా నాలుగు స్పీకర్లు ఉంటాయి. డీప్ బాస్, మంచి ట్రెబుల్‍ను ఇది ఇస్తుంది. ట్రూ డాల్బీ ఆడియో సౌండ్, 360-డిగ్రీ సినిమాటిక్ సౌండ్‍కు ఈ సౌండ్‍బార్‌ సపోర్ట్ చేస్తుంది.

మ్యాట్ ఫినిష్, ఎడ్జ్ లెస్ డిజైన్‍ను ఈ బ్లౌపంక్ట్ ఎస్‍డబ్ల్యూఎల్100 సౌండ్‍బార్‌ కలిగి ఉంది. దీంతో దీని బిల్ట్ క్వాలిటీ, లుక్ చాలా ప్రీమియమ్‍గా ఉంటుంది. ఇక 8 ఇంచుల వైర్లెస్ సబ్‍వూఫర్ ఈ సౌండ్ బార్ తో పాటు వస్తోంది.

బ్లూటూత్, HDMI, ఏఆర్సీ, ఆప్టికల్, ఆక్స్-ఇన్ (హెడ్‍ఫోన్ జాక్), కోయాక్సియల్, యూఎస్‍బీ పోర్ట్ కనెక్టివిటీ ఫీచర్లను Blaupunkt SBWL100 Soundbar కలిగి ఉంది. దీనికి చిన్న ఎల్ఈడీ డిస్‍ప్లే ఉంది. మూడు ఈక్వలైజర్ సెట్టింగ్‍లకు ఈ సౌండ్‍బార్‌ సపోర్ట్ చేస్తుంది. రిమోట్ కంట్రోల్ ద్వారా బాస్, ట్రెబుల్, ఈక్యూస్ సెట్టింగ్స్ మార్చుకోవచ్చు. వాల్యుమ్ లెవెల్స్ మార్చుకోవడం, సాంగ్స్ ప్లే బ్యాక్‍ను కంట్రోల్ చేసుకోవచ్చు.

సాంగ్, సినిమా, డైలాగ్, 3డీ అనే మూడు అడాప్టివ్ సౌండ్‍ మోడ్‍లకు Blaupunkt SBWL100 Soundbar చేస్తుంది. పార్టీల సమయంలోనూ ఉపయోగించుకునేలా ప్రత్యేకమైన కరయోకే, గిటార్ పోర్టులో ఈ సౌండ్‍బార్‌ కు ఉన్నాయి.

బ్లౌపంక్ట్ ఎస్‍డబ్ల్యూఎల్100 ధర, సేల్

Blaupunkt SBWL100 Soundbar price: బ్లౌపంక్ట్ ఎస్‍డబ్ల్యూఎల్100 సౌండ్‍బార్‌ ధర ప్రస్తుతం రూ.11,999గా ఉంది. ఈ-కామర్స్ సైట్ అమెజాన్‍లో లభిస్తోంది. అయితే దీని లిస్టింగ్ ధర రూ.13,890గా ఉంది. ఒకే బ్లాక్ కలర్ ఆప్షన్‍లో ఈ సౌండ్‍బార్‌ అందుబాటులో ఉంది.

ఇటీవలే బ్లౌపంక్ట్ ఎస్‍బీఏ25 సౌండ్‍బార్‌ లాంచ్ అయింది. 25 వాట్ల సౌండ్ ఔట్‍పుట్‍తో ఇది వచ్చింది. దీని ధర రూ.1,899గా ఉంది. కలర్ ఫుల్ ఆర్జీబీ లైట్స్, 2,000mAh బ్యాటరీ, టార్బోవోల్ట్ ఫాస్ట్ చార్జింగ్‍ను ఈ బడ్జెట్ సౌండ్‍బార్‌ కలిగి ఉంది.