Best Camera Phones : ఈ స్మార్ట్​ఫోన్స్​లో కెమెరా క్వాలిటీ.. ది బెస్ట్​!

Best Camera Phones : ఈ టెక్​ యుగంలో సోషల్​ మీడియాకు విపరీతమైన డిమాండ్​ కనిపిస్తోంది. ముఖ్యంగా.. ప్రజలు వారు తీసిన ఫొటోలను షేర్​ చేయడానికి ఇష్టపడుతున్నారు. మరి.. ఫొటోలు షేర్​ చేయాలంటే, సరైన కెమెరా ఉండాలి కదా! అందుకే.. మంచి కెమెరా క్వాలిటీ ఉన్న స్మార్ట్​ఫోన్​ను కొనాలని చాలా మంది చూస్తున్నారు. వీరిలో మీరు కూడా ఉన్నారా? అయితే ఇది మీకోసమే! ది బెస్ట్​ కెమెరా క్వాలిటీ ఉన్న స్మార్ట్​ఫోన్స్​ వివరాలు మీకోసం..

ఒప్పో రెనో10 ప్రో+ 5జీ..

ఈ స్మార్ట్​ఫోన్​లో ది బెస్ట్​ కెమెరా క్వాలిటీ ఉందని చెప్పుకోవాలి. పోట్రైట్​ మోడ్​లో ప్రో పవర్​ ఆప్షన్​ ఉంది. కెమెరా సెటప్​ ప్రొఫెషనల్​ లెవల్​లో ఉంటుంది. 50ఎంపీ ప్రైమరీ (ఓఐఎస్​), 64ఎంపీ (టెలిఫొటో పోట్రైట్​), 112 డిగ్రీ అల్ట్రా-వైడ్​ యాంగిల్​ కెమెరా వంటివి వస్తున్నాయి. ఇక సెల్ఫీ వీడియో కాల్స్​ కోసం ఇందులో ఆటోఫోకస్​ ఫీచర్​తో కూడిన 32ఎంపీ అల్ట్రా క్లియర్​ సెల్ఫీ కెమెరా లభిస్తోంది. ఎలాంటి లైటింగ్​ కండీషన్​లోనైనా.. క్లియర్​ ఫొటోలు తీసుకోవచ్చు. 3ఎక్స్​ ఆప్టికల్​ జూమ్​, 120ఎక్స్​ డిజిటల్​ జూమ్​, ఏఎల్​డీ కోటింగ్​, ఓఐఎస్​ సపోర్ట్​ వంటివి వస్తున్నాయి. ఈ ఒప్పో రెనో 10 ప్రో+ ధర రూ. 59,999గా ఉంది.

గూగుల్​ పిక్సెల్​ 8..

Google Pixel 8 camera : గూగుల్​ పిక్సెల్​ 8లో 50ఎంపీ+12ఎంపీ రేర్​ కెమెరా సెటప్​ ఉంటుంది. ఫ్రెంట్​లో 10.5ఎంపీ కెమెరా లభిస్తుంది. ఇందులో మేజిక్​ ఎడిటర్​ ఉంటుంది. స్టూడియో క్వాలిటీ స్టైల్​లో ఫొటోలను ఎడిట్​ చేసుకోవచ్చు. లైటింగ్​, బ్యాక్​గ్రౌండ్​ని ఇంప్రూవ్​ చేసుకోవచ్చు. మేజిక్​ ఎరేజర్​, ఫొటో అన్​బ్లర్​ వంటివి కూడా ఉన్నాయి. ఈ మోడల్​ ధర రూ. 75,999.

సామ్​సంగ్​ గెలాక్సీ ఎస్​23 అల్ట్రా 5జీ..

ఈ సామ్​సంగ్​ గ్యాడ్జెట్​లో నైట్​ మోడ్​ ఉంటుంది. అతి తక్కువ లైటింగ్​లో కూడా అద్భుతమైన ఫొటోలు తీసుకోవచ్చు. 200ఎంపీ రేర్​ కెమెరా, 12ఎంపీ ఫ్రెంట్​ కెమెరా దీని సొంతం. వీడియో స్టెబిలైజింగ్​ ఫీచర్​ కూడా ఉంది. దీని ధర రూ. 1,49,999.

యాపిల్​ ఐఫోన్​ 14 ప్రో..

Apple iPhone 14 pro camera : ఐఫోన్​ 14 ప్రోలో 6.1 ఇంచ్​ సూపర్​ రెటీనా ఎక్స్​డీఆర్​ డిస్​ప్లే ఉంటుంది. 48ఎంపీ ప్రైమరీ కెమెరా దీని సొంతం. హై రిసొల్యూషన్​తో ఫొటోలు తీసుకోవచ్చు. సినిమాటిక్​ మోడ్​తో 4కే డాల్బీ విజన్​, యాక్షిన్​ మోడ్​ వంటివి ఉన్నాయి. 3200ఎంఏహెచ్​ బ్యాటరీ దీని సొంతం. ఈ మోడల్​ ధర 1,29,900.

యాపిల్​ ఐఫోన్​ 15..

యాపిల్​ ఐఫోన్​ 15 128జీబీ స్టోరేజ్​ మోడల్​లో 48ఎంపీ ప్రైమరీ, 2ఎక్స్​ ఆప్టికల్​ క్వాలిటీ టెలీఫొటో లెన్స్​లు వస్తున్నాయి. నెక్స్డ్​ జనరేషన్​ పోట్రైట్​ ఫీచర్​తో ఫోకస్​ని షిఫ్ట్​ చేసుకోవచ్చు. ఈ మోడల్​ ధర ప్రస్తుతం రూ. 79,900గా ఉంది.