DA hike news : రైల్వే ఉద్యోగులకు గుడ్ న్యూస్.. మరింత పెరిగిన 'డీఏ'!
DA hike news : ఉద్యోగుల డీఏను పెంచుతూ నిర్ణయం తీసుకుంది రైల్వే బోర్డు. 4శాతం డీఏను పెంచింది. ఇది జులై నుంచి అమల్లోకి వచ్చిందని స్పష్టం చేసింది.
Railway employees DA hike : పండుగ సీజన్ నేపథ్యంలో తమ ఉద్యోగులకు డీఏను పెంచుతూ.. కేంద్ర ప్రభుత్వం ఇటీవలే గుడ్ న్యూస్ చెప్పిన విషయం తెలిసిందే. ఇక ఇప్పుడు.. ఇదే విషయంపై రైల్వే బోర్డు కూడా కీలక నిర్ణయం తీసుకుంది. రైల్వే ఉద్యోగుల డీఏను పెంచేందుకు నిర్ణయించింది. ఫలితంగా.. ఇప్పటివరకు 42శాతంగా ఉన్న డీఏ (డియర్నెస్ అలొవెన్స్).. 46శాతానికి పెరిగింది. అంటే ఒకేసారి 4శాతం పెరిగినట్టు! ఈ మేరకు ఒక సర్క్యులర్ను విడుదల చేసింది రైల్వే బోర్డు.
"రైల్వే ఉద్యోగుల డీఏను.. బేసిక్ పేలో 42శాతం నుంచి 46శాతానికి పెంచుతున్నాము. పెంచిన ఈ డీఏ.. 2023 జులై 1న అమల్లోకి వచ్చింది," అని సర్క్యులర్లో స్పష్టం చేసింది రైల్వే బోర్డు.
DA hike news latest : కేంద్రం ఆమోదించిన 7వ సీపీసీ సఫార్సులను పరిగణించి.. రైల్వే ఉద్యోగులకు డీఏను పెంచినట్టు బోర్డు వెల్లడించింది. కానీ స్పెషల్ పే వంటి ఇతర అలొవెన్స్లు ఈసారి పెరగలేదు. కేవలం డీఏ ఒక్కటే పెరిగింది.
జులై నుంచి అక్టోబర్ వరకు సంబంధించిన డీఏ ఏరియర్స్.. నవంబర్ 1న శాలరీలో క్రెడిట్ అవుతాయి. దీపావళి ముందే ఈ నగదు ఉద్యోగుల చేతికి అందుతుండటం సంతోషకరమైన విషయం అని ఆల్ ఇండియా రైల్వేమెన్స్ ఫెడరేషన్ జనరల్ సెక్రటరీ శివ గోపాల్ మిశ్రా తెలిపారు.
ప్రభుత్వ ఉద్యోగులకు దీపావళి బోనస్.. కానీ!
కొన్ని రోజుల క్రితం.. కేంద్రం ప్రభుత్వం తన ఉద్యోగులకు తీపి కబురు చెప్పింది. డీఏని 4శాతం పెంచడం సహా రూ. 15వేల కోట్ల బోనస్ను ప్రకటించింది.
కేంద్ర ప్రభుత్వ ఉద్యోగులకు దీపావళి బోనస్ ఇవ్వాలని కేంద్రం నిర్ణయించింది. ఈ మేరకు కేంద్ర ఆర్థిక శాఖ నుంచి నోటిఫికేషన్ వెలువడింది. దీపావళి బోనస్ గా ఒక నెల బేసిక్ సాలరీని, గరిష్టంగా రూ. 7 వేల వరకు, ఉద్యోగులు పొందుతారు. అయితే, ఈ బోనస్ కేంద్ర ప్రభుత్వ గ్రూప్ సీ ఉద్యోగులకు, గ్రూప్ బీ నాన్ గెజిటెడ్ ఉద్యోగులకు, కేంద్ర పారా మిలటరీ, సాయుధ దళాల్లోని అర్హులైన ఉద్యోగులకు మాత్రమే వర్తిస్తుంది. ఈ దీపావళి బోనస్ ను పొందడానికి ఉద్యోగులు మార్చి 31, 2023 నాటికి ఉద్యోగ విధుల్లో ఉండాలి. పూర్తి వివరాల కోసం ఇక్కడ క్లిక్ చేయండి.
సంబంధిత కథనం