Vasantha panchami 2024: 32 ఏళ్ల తర్వాత వసంత పంచమికి అరుదైన యోగం.. ఈ రాశుల వారికి మంచి రోజులు వచ్చినట్టే

Vasantha panchami 2024: హిందూ క్యాలెండర్ ప్రకారం వసంత పంచమిని ప్రతి సంవత్సరం మాఘ మాసం శుక్ల పక్షం ఐదో రోజున జరుపుకుంటారు. ఈ ఏడాది ఫిబ్రవరి 14న వచ్చింది. ఈరోజు సరస్వతీ దేవిని పూజించడం చేస్తారు. నియమాల ప్రకారం సరస్వతీ దేవిని పూజించడం వల్లచదువులో వచ్చే ఆటంకాలు తొలగిపోతాయని, జ్ఞాపకశక్తి, తెలివితేటలు పెరుగుతాయని నమ్ముతారు.

అమ్మవారిని ప్రసన్నం చేసుకునేందుకు పసుపు రంగు వస్త్రాలు, పసుపు రంగు స్వీట్లు ప్రసాదంగా పెడతారు. వసంత పంచమి రోజు చేపట్టే ఎ పని అయినా అందులో అద్భుతమైన విజయం పొందుతారు. వివాహాది శుభ కార్యాలకు ఇది మంచి రోజుగా భావిస్తారు. ఈరోజు పెళ్లి చేసుకుంటే సకల దేవతల ఆశీర్వాదం లభిస్తుందని నమ్ముతారు.

హిందూ ధర్మ శాస్త్రం ప్రకారం వసంత పంచమి చాలా పవిత్రమైన రోజు. అందుకే ఆరోజు తల్లిదండ్రులు తమ పిల్లలకు అక్షరాభ్యాసం చేయిస్తారు. ఈరోజు పిల్లలకు అక్షరాభ్యాసం చేయించడం వల్ల చదువులో ఉన్నతంగా రాణిస్తారు. ఈసారి వసంత పంచమి ప్రేమికుల రోజున వచ్చింది. అది మాత్రమే కాదు సుమారు 32 ఏళ్ల తర్వాత అరుదైన యోగం కూడా తీసుకొస్తుంది. జ్యోతిష్య శాస్త్ర లెక్కల ప్రకారం సరస్వతీ పూజ రోజున సర్వార్థ సిద్ధి యోగం, రేవతి నక్షత్రం, అశ్విని నక్షత్రం సహ అనేక అరుదైన సంఘటనలు ఏర్పడబోతున్నాయి. దీని వల్ల కొన్ని రాశుల వారికి విపరీతమైన ప్రయోజనం చేకూరుబోతుంది.

మేష రాశి

విద్యాపరమైన పనులలో ఎదురయ్యే ఆటంకాలు తొలగిపోతాయి. ఆవివాహితులకు పెళ్లి ఫిక్స్ చేసుకోవచ్చు. వ్యాపార పరిస్థితి బలంగా ఉంటుంది. అనేక ఆదాయ మార్గాల ద్వారా ధనలాభం పొందుతారు. శ్రమకి తగిన ప్రతిఫలం లభిస్తుంది. కెరీర్ లో అపారమైన విజయాలు పొందుతారు. వృత్తి, వ్యాపారాలలో పురోభివృద్ధి ఉంటుంది.

మిథున రాశి

వసంత పంచమి మిథున రాశి వారికి శుభప్రదంగా ఉంటుంది. కెరీర్ లో ఆశించిన విజయాన్ని అందుకుంటారు. ఉద్యోగస్తులకు ప్రమోషన్ లభిస్తుంది. వృత్తి జీవితంలో ఎదుర్కొంటున్న సమస్యలు తొలగిపోతాయి. ప్రతి రంగంలోనూ విజయం సాధిస్తారు. ఆర్థిక పరిస్థితి బలంగా ఉంటుంది. వ్యాపారంలో వృద్ధికి అవకాశాలు ఉన్నాయి.

వృశ్చికం

ఉద్యోగ, వ్యాపారాల్లో పురోభివృద్ధికి కొత్త అవకాశాలు లభిస్తాయి. జీవిత భాగస్వామి మద్దతు ఉంటుంది. సరస్వతీ దేవి అనుగ్రహంతో ఉద్యోగంలో పదోన్నతి పొందుతారు. కొందరికి కొత్త జాబ్ ఆఫర్ వస్తుంది. మీరు చేసే పనిలో సానుకూల ఫలితాలు పొందుతారు. ఆదాయాన్ని పెంచుకోవడానికి కొత్త అవకాశాలు వస్తాయి. ఉద్యోగం చేసే చోట మీ పనికి ప్రశంసలు దక్కుతాయి. సమాజంలో గౌరవం పెరుగుతుంది. వైవాహిక జీవితంలో సంతోషం ఉంటుంది.

మీన రాశి

వసంత పంచమి రోజు నుంచి మీన రాశి వారికి శుభ ఘడియలు మొదలవుతాయి. డబ్బుకి సంబంధించిన సమస్యలు తొలగుతాయి. ఆర్థిక పరిస్థితి మెరుగుపడుతుంది. ప్రేమ సంబంధాలు మరింత మధురంగా మారతాయి. వ్యాపారంలో విజయం సాధిస్తారు. ధార్మిక కార్యక్రమాల పట్ల ఆసక్తి పెరుగుతుంది. శుభకార్యాలు జరుగుతాయి. చాలా కాలంగా నిలిచిపోయిన డబ్బు మీ చేతికి అందుతుంది. ఆరోగ్య సమస్యల నుంచి ఉపశమనం పొందుతారు. వృత్తి, వ్యాపారాలలో పురోగతి సాధిస్తారు.