Rahu transit: 2025 లో రాహువు రాశి మార్పు, ఈ రాశుల వ్యాపారులకు భారీగా ఆర్థిక ప్రయోజనాలు

Rahu transit: వేద జ్యోతిష్య శాస్త్రంలో రాహు, కేతువులను నీడ, పాప గ్రహాలుగా పిలుస్తారు. ఈ రెండు గ్రహాలకు ఏ రాశిపై ఆధిపత్యం లేదు. రాహువు ప్రతి 18 నెలలకు ఒకసారి రాశిని మారుస్తాడు. ఎప్పుడూ తిరోగమన దశలో సంచరిస్తాయి.

ప్రస్తుతం రాహువు బృహస్పతికి చెందిన మీన రాశిలో సంచరిస్తున్నాడు. మే 2025 లో రాహువు శనికి చెందిన కుంభ రాశిలోకి ప్రవేశిస్తాడు. రాహువు అనేది ప్రజల మనస్సులలో గందరగోళాన్ని సృష్టించే గ్రహం.

కొన్ని రాశుల వారికి ఈ రాహు సంచారం భారీ ప్రయోజనాలు అందిస్తుంది. వృత్తి, వ్యాపారంలో భారీ పురోగతిని సాధించే అవకాశం ఉంది. రాజకీయ రంగంలో విజయం, గౌరవం పొందుతారు. రాహువును ఆర్ద్ర, స్వాతి, శతభిషా నక్షత్రాలకు అధిపతిగా భావిస్తారు. రాహువు వృషభ రాశిలో ఉచ్ఛస్థితిలో ఉండి వృశ్చికం లేదా ధనుస్సు రాశిలో బలహీనంగా ఉంటాడు. రాహువు అశుభ ఫలితాల నుంచి బయట పడేందుకు శివుడిని పూజించాలి. రాహు రాశి మార్పు ఏ రాశులకు వరం కాబోతుందో చూడండి.

మిథున రాశి

కుంభ రాశిలో రాహు సంచారం మిథున రాశి స్థానికుల వృత్తికి చాలా విజయవంతమైన సమయం. ఈ సంచారం మిథున రాశి వారికి చాలా అనుకూలంగా ఉంటుంది. వ్యాపారవేత్తలు తమ తమ రంగాలలో అపారమైన విజయాన్ని పొందవచ్చు. ఉద్యోగస్తులకు ఇది పురోభివృద్ధికి, పురోగతికి సమయం అవుతుంది. వ్యాపార వ్యక్తులు వివిధ ఒప్పందాల నుండి చాలా డబ్బు సంపాదించవచ్చు. ఈ కాలంలో నిరుద్యోగులకు తగిన ఉద్యోగాలు లభిస్తాయి. వారు తమ పెట్టుబడుల నుండి భారీ ప్రయోజనం పొందవచ్చు. తండ్రి నుండి మద్దతు పొందుతారు. ఇది వారి జీవితాలలో పురోగతికి దారి తీస్తుంది. రాజకీయాలతో సంబంధం ఉన్న వ్యక్తులు ఈ రాహు సంచారం నుండి భారీ లాభాలను పొందవచ్చు.

మకర రాశి

రాహువు మకర రాశిలో మూడవ ఇంటిలో సంచరిస్తాడు. ఈ రాహు సంచారం మకర రాశి వారికి చాలా ప్రయోజనకరంగా ఉంటుంది. ఈ సమయంలో ధైర్య సాహసాలు పెరుగుతాయి. విదేశాల్లో ఉద్యోగాలు చేసేవారు చాలా పురోగతిని సాధిస్తారు. వారి పురోగతిని చూసిన తర్వాత వారు చాలా సంతోషంగా, సంతృప్తిగా ఉంటారు. వ్యాపారస్తులకు చాలా డబ్బు సంపాదించే అవకాశం ఉంటుంది. ఉద్యోగస్తులకు ఈ సమయం చాలా అనుకూలంగా ఉంటుంది. శత్రువుల మీద పైచేయి సాధిస్తారు. ఉద్యోగం మారాలనే మీ కోరిక నెరవేరుతుంది. సోదరులు, సోదరీమణుల నుండి పూర్తి మద్దతు లభిస్తుంది.

కుంభ రాశి

రాహు సంచారం కుంభ రాశి సంపద, వాక్కు గృహంలో జరుగుతుంది. ఈ సంచారం వీరికి చాలా ప్రయోజనకరంగా ఉంటుంది. వారు భారీ ఆర్థిక లాభాలను పొందుతారు. అమ్మకాల రంగంలో అపారమైన విజయాన్ని పొందవచ్చు. బ్యాంకింగ్ రంగంలో పని చేసే వ్యక్తులకు ఇది అనుకూలమైన కాలం. ఉద్యోగస్తులకు ప్రమోషన్లు లేదా వారి జీతం పెరుగుదలను పొందవచ్చు. వారు తమ మధురమైన మాటలతో ఇతరులను ఆకట్టుకుంటారు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.