Vitamin -E for Skin । ఆరోగ్యమైన, మెరిసే చర్మం కావాలా? 'విటమిన్ ఇ' తో సాధ్యం!

చర్మాన్ని ఆరోగ్యంగా ఉంచడానికి విటమిన్ ఇ అవసరం  ఉంటుంది. చర్మ సంరక్షణ కోసం వైద్యుల సలహాతో 'విటమిన్ ఇ' క్యాప్సూల్స్‌ ఉపయోగించవచ్చు. 

విటమిన్ E పొడి చర్మాన్ని తేమగా మారుస్తుంది, చర్మానికి మంచి గ్లోను అందిస్తుంది.  ముఖంపై నల్ల మచ్చలను తొలగించడంలో కూడా ఇది చాలా ప్రభావవంతంగా ఉంటుంది.

విటమిన్ ఇ క్యాప్సూల్స్‌ను చర్మంపై క్రమం తప్పకుండా మసాజ్ చేయడం వల్ల హైపర్‌పిగ్మెంటేషన్ సమస్యను సులభంగా నివారించవచ్చు, చర్మ కాంతి మెరుగుపడుతుంది.

హైలురోనిక్ యాసిడ్ చర్మం కింద ఉంటుంది. ఇది చర్మాన్ని యవ్వనంగా ఉంచుతుంది. విటమిన్ ఇ క్యాప్సూల్స్ దాని ఉత్పత్తిని పెంచుతుంది. విటమిన్ ఇ,  కలబందను మిక్స్ చేసి వారానికి ఒకటి లేదా రెండు సార్లు చర్మానికి అప్లై చేయడం చాలా మంచిది. 

శీతాకాలంలో పొడి గాలి చర్మంపై చికాకు కలిగిస్తుంది. విటమిన్ ఇ ఈ చర్మపు చికాకును తగ్గిస్తుంది. ఇది చర్మంలోకి లోతుగా చొచ్చుకుపోయి పేరుకుపోయిన మురికిని తొలగిస్తుంది.

చర్మంపై మొటిమలు, మచ్చలు, ఇతర చర్మ సమస్యలను తొలగించడంలో విటమిన్ ఇ కీలకపాత్ర వహిస్తుంది. డెర్మటాలజిస్ట్ సలహాలతో 'విటమిన్ ఇ' ని ఎలా ఉపయోగించాలో తెలుకొని ప్రయత్నించండి.