Vastu tips: ఈ పువ్వులు పెళ్లి బహుమతిగా ఇచ్చారంటే ఆ జంట జీవితం సుఖమయం

పెళ్ళికి ఖాళీ చేతులతో  వెళ్తే ఏం బాగుంటుందని ఏదో ఒక బహుమతి పట్టుకుని వెళ్తూ ఉంటారు. అందరిలాగా ఫ్రేమ్స్ ఇవ్వడం ఎందుకని అనుకుంటే స్పెషల్ గా పువ్వులు ఇవ్వండి. 

అందరి కంటే మీరు స్పెషల్ ఉండాలని అనుకుంటే పెళ్ళిలో పువ్వులు బహుమతిగా ఇవ్వండి. వాస్తు శాస్త్రం ప్రకారంపెళ్లికి పువ్వులు బహుమతిగా ఇవ్వడానికి కొన్ని నియమాలు ఉన్నాయి. అవి ఏంటంటే.. 

గులాబీ ప్రేమకు చిహ్నం. అందుకే ప్రేమికులు ఒకరికొకరు గులాబీ ఇచ్చుకుంటారు. జ్యోతిష్య శాస్త్రం ప్రకారం ఈ పుష్పం విష్ణువు, లక్ష్మీదేవికి సంబంధించినది. ఈ పువ్వును ఎవరికైనా బహుమతిగా ఇస్తే బంధం బలపడుతుంది.

బటర్‌కప్ పువ్వులు పెళ్లి కానుకగా ఇచ్చేందుకు చాలా ఆకర్షణీయంగా ఉంటాయి. వధువు లేదా వరుడు మిథున రాశి చక్ర జాతకులు అయితే వారికి తెల్లటి బటర్‌కప్ పువ్వులను మాత్రమే ఇవ్వాలి. ఈ పువ్వు శాంతికి చిహ్నంగా పరిగణించబడుతుంది. ఇది మానసిక సమస్యలను తొలగిస్తుంది.

నూతన వధూవరులకు తెలుపు, నారింజ కలువ పూల గుత్తిని బహుమతిగా ఇవ్వవచ్చు. చంద్రుని దోషం నుండి బయటపడటానికి సహాయపడుతుంది. జన్మ నక్షత్రంలో సూర్య దోషం ఉన్నవారికి నారింజ రంగు కలువలు ఇవ్వాలి. ఇది వారి కోరికలన్నీ నెరవేరుస్తుంది.

సన్‌ఫ్లవర్ సానుకూల శక్తి, ప్రకాశానికి చిహ్నంగా పరిగణించబడుతుంది. పొద్దుతిరుగుడు పువ్వులు కూడా బహుమతిగా ఇవ్వవచ్చు. వీటిని నైవేద్యంగా సమర్పిస్తే ఏ గ్రహదోషమైన  తొలగిపోతుంది. ఇది గౌరవాన్ని కూడా పెంచుతుంది.