Urad Dal Benefits: రోజూ మినపప్పు తింటే పక్షవాతాన్ని అడ్డుకోవచ్చు

గారెలు, ఇడ్లీలు, బోండాలు, దోశెలు... ఇలా మినపప్పుతో చేసే వంటకాలు ఎక్కువే. మినప్పప్పుతో చేసిన వంటకాలను ప్రతి రోజూ తింటే ఎన్నో రకాల రోగాలు రాకుండా అడ్డుకోవచ్చు. 

మినపప్పులో విటమిన్లు, ఖనిజాలు, క్యాల్షియం, ప్రోటీన్లు అధికంగా ఉంటాయి. ప్రతి రోజూ మినపప్పుతో చేసిన వంటకాలు తినే వారిలో ఆస్తమా, పక్షవాతం, ఆర్ధరైటిస్ వంటివి వచ్చే అవకాశం తక్కువగా ఉంటుంది. 

 అలాగే తలనొప్పి, జ్వరం వంటివి వచ్చినా త్వరగా తగ్గే అవకాశం ఉంది. మినపప్పు వల్ల మన శరీరానికి అవసరం అయిన ఇనుము అందుతుంది. దీని వల్ల రక్త హీనత సమస్య రాకుండా ఉంటుంది. శక్తి స్థాయిలను కూడా పెంచుతుంది. 

ముఖ్యంగా డయాబెటిస్ తో బాధపడుతున్న వారు ప్రతిరోజూ ఈ పప్పుతో చేసిన వంటకాలు తినడం చాలా ముఖ్యం. ఇది రక్తంలో చక్కెర స్థాయిలు అమాంతం పెరగకుండా అడ్డుకుంటుంది. 

పిల్లలకు ప్రతిరోజూ మినపప్పుతో చేసిన వంటకాలు తినిపించాలి. వారి ఎముకలు బలంగా మారుతాయి. కాల్షియం, పొటాషియం వంటివి ఈ పప్పులో అధికంగానే ఉంటాయి. 

మినపప్పు తినడం వల్ల బరువు కూడా పెరగరు. ఎక్కువ సేపు ఆకలి వేయకుండా ఉంటుంది, కాబట్టి ఇతర ఆహారాలు తినకుండా ఉంటారు. తద్వారా ఆరోగ్యంగా బరువు తగ్గొచ్చు.