ఉగాది పంచాంగం : మేష రాశి వారిదే శ్రీ క్రోధి నామ సంవత్సరం- డబ్బు, ఆరోగ్యం, సంతోషం!

మేషరాశి వారికి అనుకూల ఫలితాలు ఉన్నాయి. బృహస్పతి ధన స్థానములో సంచరిస్తుండటం వల్ల, శని లాభ స్థానమునందు సంచరించుట చేత, రాహువు వ్యయస్థానమునందు సంచరించుట కారణంగా, కేతువు ఆరవ స్థానమునందు అనుకూల స్థితిలో సంచరించుట చేత మేషరాశి వారికి ఈ సంవత్సరం అన్ని విధాలుగా అనుకూల ఫలితాలు కనిపిస్తున్నాయి.

మేషరాశి వారికి గత కొంతకాలంతో పోల్చితే.. ఈ క్రోధి నామ సంవత్సరం కలసివస్తుంది. మేషరాశి ఉద్యోగస్తులకు ఉద్యోగంలో అభివృద్ధి కలుగుతుంది. నిరుద్యోగులకు ఉద్యోగప్రాప్తి ఉంటుంది. ఉద్యోగస్తులకు ప్రమోషన్లు వంటివి రావొచ్చు.

వ్యాపారస్తులకు వ్యాపారపరంగా లాభాలు ఉంటాయి. అనుకున్న పనులు అనుకున్న విధంగా పూర్తి చేస్తారు. ధనస్థానము, వాక్‌ స్థానములో గురుని ప్రభావం వల్ల మేషరాశి వారికి ఈ సంవత్సరం ధన లాభం, వస్తు లాభం, ధనవృద్ధి, కుటుంబ సౌఖ్యము, ఆనందము ఉంటాయి.

మహిళలకు ఈ సంవత్సరం కుటుంబ సౌఖ్యం, మానసిక ఆనందము కలుగుతుంది. రైతాంగం, సినిమా రంగాల వారికి ఈ సంవత్సరం శుభ ఫలితాలు కనిపిస్తాయి. గృహలాభం, అస్తిలాభం, వస్తులాభం వంటివి కలుగుతాయి. కీర్తిని పెరుగుతుంది.

మేషరాశి వారికి ఉగాది 2024 రాశిఫలాలు ఆనందన్ని ఇస్తాయి. ఆరోగ్యపరంగా మేషరాశి వారికి ఈ సంవత్సరం శని అనుకూలంగా ఉంటాడు. గురుబలము ఏర్చడటంతో శుభఫలితాలు కలుగుతాయి. ఆరోగ్యము, ఆనందము కనిపిస్తుంది. సుఖ సౌఖ్యాలను పొందుతారు