కఫం చేరి ఇబ్బంది పడుతున్నారా? రోజూ వీటిని తినండి

కఫం తగ్గితేనే శ్వాసకోశ వ్యవస్థ ఆరోగ్యంగా ఉంటుంది.  కొన్నిసార్లు శరీరంలో చేరిన అదనపు శ్లేష్మాన్ని బయటకు పంపడానికి మన శరీరానికి కొద్దిగా శక్తి అవసరం. ఆ శక్తిని ఇవ్వాలంటే కొన్ని రకాల ఆహారాలను రోజూ తినాలి. 

నిమ్మకాయలు: విటమిన్ సితో నిండి ఉంటాయివి. రోగనిరోధక శక్తిని పెంచుతాయి. కఫాన్ని విచ్ఛిన్నం చేయడంలో సహాయపడతాయి. నిమ్మ వంటి సిట్రస్ పండ్లు శ్వాసకోశాల్లోని  శ్లేష్మాన్ని తొలగించడంలో సహాయపడతాయి.

యాపిల్స్: ఈ పండ్లలో యాంటీఆక్సిడెంట్లు, ఫైబర్ పుష్కలంగా ఉంటాయి. యాపిల్స్ శుభ్రమైన శ్వాసకోశ వ్యవస్థకు మద్దతునిస్తాయి. 

అల్లం: తరుచూ దగ్గు,  జలుబు సమస్యల బారిన పడుతూ ఉంటే మీ రోజు వారీ ఆహారంలో అల్లం ఉండేలా చూసుకోండి. ఈ స్పైసి రూట్ యాంటీ ఇన్ఫ్లమేటరీ లక్షణాలను కలిగి ఉంటుంది. కఫాన్ని తొలగిస్తుంది. 

దోసకాయ: శరీరం నుండి అదనపు కఫాన్ని తొలగించాలంటే తేమ అవసరం. శరీరం డీహైడ్రేషన్‌కు గురైతే కఫాన్ని వదిలించడం కష్టం. కాబట్టి దోసకాయను రోజూ తింటూ ఉంటే త్వరగా కఫం పోతుంది.నీటిని కూడా అధికంగా తాగుతూ ఉండాలి. 

బ్రోకలీ: పోషకాల పవర్‌హౌస్ ఇది. బ్రోకలీ బలమైన రోగనిరోధక వ్యవస్థను అందిస్తుంది. 

పైనాపిల్: జ్యుసీగా ఉండే ఈ పండ్లలో శ్లేష్మాన్ని విచ్ఛిన్నం చేసే శక్తి ఉంటుంది. దీనిలో  బ్రోమెలైన్ అనే ఎంజైమ్ ఉంటుంది.

గుమ్మడికాయ: దీనిలో విటమిన్ ఎ అధికంగా ఉంటుంది, గుమ్మడికాయ శ్లేష్మ పొర ఆరోగ్యానికి తోడ్పడుతుంది.  (Getty Images/iStockphoto (PIC FOR REPRESENTATION))

బెర్రీలు: యాంటీఆక్సిడెంట్లతో నిండిన బెర్రీలు మొత్తం శ్వాసకోశ వ్యవస్థ ఆరోగ్యానికి దోహదం చేస్తాయి.