Rice Storage Tips: బియ్యానికి పురుగులు పట్టాయా? ఇలా చేస్తే నిమిషాల్లోనే వెళ్లిపోతాయి

బియ్యం నిల్వ చేస్తే పరుగుల సమస్య ఎక్కువగా ఉంటుంది. నుసి, లద్ది పురుగులు పడతాయి. చాలాసార్లు ఈ ఇబ్బందులు ఎదురవుతుంటాయి. ముఖ్యంగా వాతారణంలో తేమ ఎక్కువగా ఉన్నప్పుడు పురుగుల బెడద మరింత అధికంగా ఉంటుంది.

బియ్యంలోని పురుగులను తొలగించడం కష్టమైన పని. అయితే, బియ్యంలో పడిన పురుగులు బయటికి వెళ్లేందుకు కొన్ని మార్గాలు ఉన్నాయి. ఆ చిట్కాలు ప్రభావవంతంగా పని చేస్తాయి. అవేవంటే..

బియ్యంలో వేపాకులు వేస్తే పురుగులు పట్టకుండా ఉంటాయి. వేపాకులను ఎండబెట్టి పొడి చేసి.. వస్త్రాల్లో చిన్నచిన్న ఉండలుగా కట్టి బియ్యంలో వేసుకోవచ్చు. ఒకేవేళ అప్పటికే పురుగులు పట్టి ఉన్నా వేపను ఉపయోగించవచ్చు. వేపాకులు వేసి బియ్యాన్ని కాసేపు ఎండలో ఉంచాలి. ఆ తర్వాత పురుగులు త్వరగానే బియ్యంలోని నుంచి వెళ్లిపోతాయి.

పురుగులు పట్టిన బియ్యంలో లవంగాలు వేయాలి. దీనివల్ల పురుగులు బయటికి వెళ్లాలి. బియ్యానికి పురుగులు పట్టకుండా ముందే కూడా వేసుకోవచ్చు. 

బియ్యంలో ఎండు మిర్చి వేసినా పురుగులు నిమిషాల్లోనే బయటికి వెళతాయి. బిర్యానీ ఆకులను కూడా బియ్యంలో వేయవచ్చు. 

బియ్యంలో పురుగులను కర్పూరం కూడా పంపిచేస్తుంది. కర్పూరాన్ని పొడిగా చేసి చిన్న నూలు వస్త్రాల్లో ఉండలా కట్టి బియ్యం పాత్రలో వేసుకోవాలి. ఇంగువ, బోరిక్ పౌడర్ కలిపినా పురుగులు పట్టకుండా ఉంటాయి. పురుగులు అప్పటికే పట్టి ఉంటే బయటికి వెళ్లిపోతాయి.