Strong Bones: పిల్లల ఎముకలు బలంగా ఉండాలంటే వారికి పెట్టాల్సిన ఆహారాలు ఇవే

ఆకుకూరలతో పాటూ అనేక పప్పు పప్పుధాన్యాలు, తినడం వల్ల ఎముకలు బలంగా మారుతాయి. ఎముకలు బలంగా ఉండేందుకు ఎలాంటి ఆహారం తినాలో తెలుసుకోండి.

నడవడం నుంచి కూర్చునే వరకు ఏ పని చేయడానికైనా ఎముకలు బలంగా ఉండడం అవసరం.  వాటిని మీరు ఆరోగ్యంగా చూసుకోవడం ముఖ్యం. ఎముకలను బలోపేతం చేయడానికి పాల ఉత్పత్తులతో పాటూ అనేక ఆహారాలు తినాలి.

పాలకూర జ్యూస్,  పచ్చి క్యారెట్ జ్యూస్ తాగడం వల్ల ఎముకలు బలపడటానికి అవసరమైన క్యాల్షియం అందుతుంది. కాబట్టి ఈ జ్యూస్ లను తప్పకుండా తీసుకోండి.

టోఫు  అంటే సోయా పాలతో చేసే పనీర్. దీనిలో కాల్షియం అధికంగా ఉంటుంది. అలాగే కాలే, బ్రోకలీ, బెండకాయ వంటి ఆకుపచ్చ కూరగాయలను పిల్లల ఆహారంలో చేర్చండి.

తెలుపు, నలుపు రంగులో ఉండే నట్స్, సీడ్స్ ను తినడం అలవాటు చేసుకోవాలి. వాటిలో ఉండే కాల్షియం ఎముకలను బలపేతం చేస్తాయి. ప్రతిరోజూ నల్ల నువ్వులు లేదా తెల్లనువ్వులు రెండు స్పూన్లు పిల్లలకు తినిపించండి.

 రాజ్మా, శనగ పప్పు, చోలే,  మినుములు… ఇలాంటి పప్పు ధాన్యాలు ప్రతిరోజూ తినాలి. వీటిలో  కాల్షియం సమృద్ధిగా ఉంటాయి.  ఎముకలకు కాల్షియం అవసరం.

ఉదయపు సూర్యుడి కిరణాలు మీ శరీరాన్ని తాకేలా చూడండి. దీనివల్ల శరీరానికి విటమిన్ డి అందుతుంది. ఎముకలు బలంగా ఉండేందుకు విటమిన్ డి అవసరం.