TTD Brahmotsavam 2024 : తిరుమల శ్రీవారి బ్రహ్మోత్సవాలు... అశ్వవాహనంపై మలయప్పస్వామి దర్శనం - ఫొటోలు

తిరుమల శ్రీవారి బ్రహ్మోత్సవాలు వైభవంగా సాగుతున్నాయి. శుక్రవారం రాత్రి  అశ్వవాహనంపై శ్రీమలయప్పస్వామి విహరిస్తూ భక్తులను కటాక్షించారు.

వాహనం ముందు గజరాజులు నడుస్తుండగా, భక్తజన బృందాలు భజనలు, కోలాటాలు, జీయ్యంగార్లు వేద‌మంత్రాల‌తో  స్వామివారిని కీర్తిస్తుండగా, మంగళవాయిద్యాల నడుమ స్వామివారి వాహనసేవ కోలాహలంగా జరిగింది. భక్తులు అడుగడుగునా కర్పూరహారతులు సమర్పించి శ్రీవారిని దర్శించుకున్నారు.

బ్రహ్మోత్సవాల్లో చివ‌రి రోజైన శనివారం ఉద‌యం 6 నుంచి 9 గంట‌ల వ‌ర‌కు స్వామిపుష్కరిణిలో స్నప‌న తిరుమంజ‌నం, చ‌క్రస్నానం నిర్వహిస్తారు. ఇందుకోసం తిరుమల తిరుపతి దేవస్థానం ఏర్పాట్లు చేస్తోంది.

 రాత్రి 7 నుంచి 9 గంట‌ల వ‌ర‌కు ధ్వజావ‌రోహ‌ణం జ‌రుగ‌నుంది. దీంతో బ్రహ్మోత్సవాలు ముగియనున్నాయి.