Roger Federer OTT: టెన్నిస్ దిగ్గజం రోజర్ ఫెదరర్‌పై ఓటీటీ డాక్యుమెంటరీ: వివరాలివే

టెన్నిస్ లెజెండ్, స్విట్జర్లాండ్ స్టార్ రోజర్ ఫెదరర్.. 24 ఏళ్ల తన కెరీర్లో ఎన్నో ఘనతలు సాధించారు. చాలా అద్భుత విజయాలు దక్కించుకున్నారు. 2022లో ఆట నుంచి రిటైర్ అయ్యారు.

అమెజాన్ ప్రైమ్ వీడియో ఓటీటీలో రోజర్ ఫెదరర్‌పై డాక్యుమెంటరీ రానుంది. ఫెదరర్ కెరీర్లో చివరి 12 రోజులపై ఎక్కువగా ఈ డాక్యుమెంటరీలో ఉంటుంది. 

అలాగే, ఫెదరర్ గురించి రఫేల్ నాదల్, నొవాక్ జకోవిచ్, ఆండ్రీ ముర్రే లాంటి స్టార్ ప్లేయర్లు మాట్లాడిన ఇంటర్వ్యూలు కూడా ఈ డాక్యుమెంటరీలో ఉండనున్నాయి.

రోజర్ ఫెదరర్ డాక్యుమెంటరీ త్వరలోనే అమెజాన్ ప్రైమ్ వీడియో ఓటీటీలో రిలీజ్ కానుంది. అయితే, డేట్ ఇంకా ఖరారు కాలేదు. జూలైలో వచ్చే అవకాశం ఉంది. ప్రముఖ భారత సంతతి బ్రిటిష్ ఫిల్మ్ మేకర్ ఆసిఫ్ కపాడియా ఈ డాక్యుమెంటరీని తెరకెక్కించనున్నారు. 

రోజర్ ఫెదరర్ తన కెరీర్లో ఏకంగా 20 గ్రాండ్‍స్లామ్ టైటిళ్లను కైవసం చేసుకున్నారు. ఇందులో ఎనిమిది వింబుల్డన్ టైటిళ్లు ఉన్నాయి. కెరీర్లో 310 వారాల పాటు ప్రపంచ నంబర్ 1 ర్యాంకులో ఫెదరర్ ఉన్నారు. ప్రొఫెషనల్ టెన్నిస్‍లో ఫెదరర్ మొత్తంగా 103 సింగిల్స్ టైటిల్స్ గెలిచారు. టెన్నిస్ చరిత్రలో ఒకానొక గ్రేటెస్ట్ ప్లేయర్‌గా నిలిచారు. 24 ఏళ్ల ఆట తర్వాత 2022లో రిటైర్మెంట్ ప్రకటించారు.