Rohit Sharma: రోహిత్ శర్మ రీసెంట్‍గా చూసిన మూవీ ఇదే.. మంచి సినిమా అంటూ ప్రశంస

“రీసెంట్‍గా మీరు చూసిన సినిమా లేదా షో ఏది” అని నటి మందిరా బేడీ.. ఓ ఈవెంట్‍లో టీమిండియా కెప్టెన్ రోహిత్ శర్మను ప్రశ్నించారు. దీనికి రోహిత్ సమాధానం చెప్పారు. 

తాను ఇటీవల 12th ఫెయిల్ అనే సినిమా చూశానని రోహిత్ శర్మ చెప్పారు. ఆ మూవీని ప్రశంసించారు. 

12th ఫెయిల్ చాలా మంచి మూవీ అని రోహిత్ శర్మ అన్నారు. చాలా స్ఫూర్తివంతమైన సినిమా అని మందిర బేడీ కూడా అన్నారు. 

ఐపీఎస్ అధికారి మనోజ్ కుమార్ శర్మ జీవితంపై 12th ఫెయిల్ చిత్రం తెరకెక్కింది. మారుమూల ప్రాంతం, పేద కుటుంబం నుంచి వచ్చి.. ఓ దశలో 12వ తరగతి ఫెయిల్ అయినా.. అన్ని కష్టాలను దాటి ఐపీఎస్ అయ్యారు మనోజ్. 12th ఫెయిల్ చిత్రాన్ని దర్శకుడు విధు వినోద్ చోప్రా తెరక్కించారు. 

12th ఫెయిల్ చిత్రంలో మనోజ్ కుమార్ పాత్రలో విక్రాంత్ మాసే నటించారు. థియేటర్లలో ఈ చిత్రం మంచి హిట్ అయింది. ప్రస్తుతం డిస్నీ+ హాట్‍స్టార్ ఓటీటీలో స్ట్రీమింగ్ అవుతోంది. చాలా మంది ప్రముఖులు ఈ చిత్రాన్ని ప్రశంసించారు. 

టీమిండియా ప్రస్తుతం ఇంగ్లండ్‍తో ఐదు టెస్టుల సిరీస్ ఆడుతోంది. ప్రస్తుతం ఈ సిరీస్‍ 1-1తో సమంగా ఉంది. ఈ సిరీస్‍లో మూడో టెస్టు రాజ్‍కోట్ వేదికగా ఫిబ్రవరి 15వ తేదీన మొదలుకానుంది.