Edible Oil Prices: ఏపీలో భారీగా పెరిగిన వంట నూనెల ధరలు.. రంగంలోకి దిగిన విజిలెన్స్‌, అక్రమ వ్యాపారులపై కేసుల నమోదు

వంట నూనెల ధరల పెరుగుదల నేపథ్యంలో రాష్ట్ర వ్యాప్తంగా విజిలెన్స్ సోదాలు నిర్వహిస్తోంది

వంటనూనెలపై కస్టమ్స్ సుంకం పెంచే అవకాశం ఉందన్న పుకార్ల నేపథ్యంలో పామోలిన్, ఇతర ఎడిబుల్ ఆయిల్ ధరల్లో పెరుగుదల, కల్తీ పై ఆవిజిలెన్స్ & ఎన్ ఫోర్స్ మెంట్ డీజీ హరీష్ కుమార్ గుప్తా కస్మిక తనిఖీలు నిర్వహించారు.
 

వంటనూనెలపై కస్టమ్స్ సుంకం పెంచే అవకాశం ఉందన్న పుకార్ల నేపథ్యంలో పామోలిన్, ఇతర ఎడిబుల్ ఆయిల్ ధరల్లో పెరుగుదల, కల్తీ పై  విజిలెన్స్ & ఎన్ ఫోర్స్ మెంట్ డీజీ హరీష్ కుమార్ గుప్తా ఆకస్మిక తనిఖీలు నిర్వహించారు.

ప్రభుత్వ ఆదేశాల మేరకు సామాన్య వినియోగదారులపై భారంపడే ఆకస్మిక ధరల పెరుగుదలను నియంత్రించేందుకు చర్యలు తీసుకుంటున్నట్టు విజిలెన్స్ ప్రకటించింది. ధరలు పెంచి,  తప్పుచేసిన వ్యాపారులపై కఠిన చర్యలు తీసుకోవాలని ఆదేశాలు జారీ చేశారు. 

రాష్ట్ర వ్యాప్తంగా చిల్లర దుకాణాలు మొదలుకుని, హోల్‌సేల్ దుకాణాల వరకు ఒక్కసారిగా వంట నూనెల ధరల్ని పెంచేశాయి

పండుగల సీజన్లో ఎడిబుల్ ఆయిల్ కు డిమాండ్ ఉన్న నేపథ్యంలో  మిల్లర్లు, స్టాకిస్ట్ లు, రిటైలర్లపై ఏకకాలంలో ఆకస్మిక తనిఖీలు నిర్వహించాలని రాష్ట్రంలోని అన్ని యూనిట్ల ఆర్ వీఈవో లకు విజిలెన్స్‌ విభాగం అధికారులు ఆదేశించారు. 

హోల్‌ సేల్ వ్యాపారులు పాత స్టాకును కూడా కొత్త ధరలకు అమ్ముతున్నట్టు అధికారులు గుర్తించారు. అక్రమాలకు పాల్పడితే కేసుల నమోదుతో పాటు భారీగా జరిమానాలు విధిస్తామని హెచ్చరిస్తున్నారు. 

ఏపీలోని  12 యూనిట్ల పరిధిలో 26 జిల్లాలో సుమారు 50 బృందాలతో మిల్లర్లు,  స్టాకిస్ట్ లు, రిటైలర్లు, వ్యాపారులు, సూపర్ మార్కెట్లు, తయారీ యూనిట్లపై ఆకస్మిక తనిఖీలు  నిర్వహించారు. 

వంట నూనెల కృత్రిమ కొరతను సృష్టించి, నిబంధనలు అతిక్రమించిన వారిపై కఠిన చర్యలు తీసుకుంటామని  విజిలెన్స్ & ఎన్ ఫోర్స్ మెంట్ డీజీ హరీష్ కుమార్ గుప్తా హెచ్చరించారు