Bootcut Balaraju OTT: ఓటీటీలోకి వచ్చేసిన బూట్‍కట్ బాలరాజు: స్ట్రీమింగ్ వివరాలు ఇవే

బిగ్‍బాగ్ ఫేమ్, యంగ్ హీరో సయ్యద్ సోహెల్ నటించిన బూట్‍కట్ బాలరాజు చిత్రం ఫిబ్రవరి 2న థియేటర్లలోకి వచ్చింది. విలేజ్ బ్యాక్‍డ్రాప్‍లో కామెడీ లవ్ మూవీగా తెరకెక్కింది. అయితే, ఈ చిత్రం మిక్స్డ్ టాక్ తెచ్చుకుంది. ఇప్పుడు ఈ సినిమా ఓటీటీలోకి అడుగుపెట్టేసింది. 

బూట్‍కట్ బాలరాజు సినిమా ఆహా ఓటీటీ ప్లాట్‍ఫామ్‍లో స్ట్రీమింగ్‍కు అందుబాటులో వచ్చింది. నేటి (ఫిబ్రవరి 26) సాయంత్రం 6 గంటలకు ఆహాలో స్ట్రీమింగ్ మొదలైంది. 

థియేటర్లలో విడుదలై నెలరోజులు కాకుండానే బూట్‍కట్ బాలరాజు మూవీ ఆహా ఓటీటీలో అడుగుపెట్టింది. అంచనాల కంటే ముందే స్ట్రీమింగ్‍కు వచ్చేసింది. 

బూట్‍కట్ బాలరాజు చిత్రంలో సోహెల్ సరసన మేఘలేఖ హీరోయిన్‍గా నటించారు. సిరి హన్మంత్, సునీల్, ఇంద్రజ, అవినాశ్, సద్దాం కీలకపాత్రలు పోషించారు. 

బూట్‍కట్ బాలరాజు చిత్రానికి శ్రీకోనేటి దర్శకత్వం వహించగా.. మహమ్మద్ పాషా నిర్మించారు. భీమ్స్ సెలిరోలియో సంగీతం అందించారు. లవ్ స్టోరీ, సర్పంచ్ ఎన్నికల చుట్టూ ఈ మూవీ స్టోరీ తిరుగుతుంది.