తెలుగు న్యూస్ / ఫోటో /
Thandel Movie: నాగచైతన్య ‘తండేల్’ మూవీ షురూ.. అతిథులుగా నాగార్జున, వెంకటేశ్: ఫొటోలు, వివరాలు
Dec 09, 2023, 03:42 PM , IST
Thandel Movie: యువసామ్రాట్ నాగచైతన్య, సాయిపల్లవి హీరోహీరోయిన్లుగా నటిస్తున్న తండేల్ సినిమా అధికారికంగా మొదలైంది. చందూ మొండేటి దర్శకత్వం వహిస్తున్న ఈ మూవీ ముహూర్తం వేడుక నేడు (డిసెంబర్ 9) గ్రాండ్‍గా జరిగింది. హీరోలు వెంకటేశ్, నాగార్జున ఈ కార్యక్రమానికి అతిథులుగా వచ్చారు. ఆ ఫొటోలు ఇక్కడ చూడండి.
(1 / 5)
తండేల్ మూవీ ముహూర్తం వేడుక హైదరాబాద్‍లోని అన్నపూర్ణ స్టూడియోస్‍లో నేడు (డిసెంబర్ 9) ఘనంగా జరిగింది. చందూ మొండేటి దర్శకత్వం వహిస్తున్న ఈ చిత్రంలో యువసామ్రాట్ నాగ చైతన్య, టాలెండెట్ నటి సాయిపల్లవి ప్రధాన పాత్రలు పోషిస్తున్నారు. ముహూర్తంతో ఈ మూవీ షూటింగ్ షురూ అయింది.
(2 / 5)
తండేల్ మూవీ లాంచ్ కార్యక్రమానికి సీనియర్ హీరోలు నాగ చైతన్య తండ్రి కింగ్ నాగార్జున, విక్టరీ వెంకటేశ్ అతిథులుగా హాజరయ్యారు. ఈ సినిమాను గీతా ఆర్ట్స్ బ్యానర్‌పై అల్లు అరవింద్, బన్నీ వాసు నిర్మిస్తున్నారు.
(3 / 5)
తండేల్ ముహూర్తం వేడుకలో కెమెరా స్విచ్ఆన్ చేశారు నాగార్జున. ఫస్ట్ క్లాప్ కొట్టారు వెంకటేశ్. మూవీ స్క్రిప్ట్‌ను దర్శకుడు చందూ మొండేటికి నిర్మాత అల్లు అరవింద్ అందించారు.
(4 / 5)
తండేల్ చిత్రానికి దేవీ శ్రీప్రసాద్ సంగీతం అందించనున్నారు. శ్యామ్‍దత్ సినిమాటోగ్రఫీ చేయనుండగా.. నవీన్ నూలి ఎడిటర్‌గా వ్యవహరించనున్నారు.
(5 / 5)
2018లో గుజరాత్‍ సమీపంలోని సముద్రంలో చేపల వేటకు వెళ్లిన 22 మంది శ్రీకాకుళం, విజయనగరం జాలర్లను పాకిస్థాన్ బంధించింది. భారత ప్రభుత్వం వారిని స్వదేశానికి తిరిగి తీసుకొచ్చేందుకు చర్చలు జరిపింది. సుమారు రెండున్నరేళ్ల తర్వాత వారిని భారత్‍కు తిరిగి పంపింది పాక్. ఈ యథార్థ ఘటనల ఆధారంగానే తండేల్ రూపొందనుంది. జాలరిగా నాగచైతన్య ఫస్ట్ లుక్ కూడా ఇప్పటికే వచ్చింది.
ఇతర గ్యాలరీలు