Florida hurricane: ఫ్లోరిడాలో హరికేన్ ‘మిల్టన్’ బీభత్సాన్ని ఈ దిగ్భ్రాంతికర ఫోటోల్లో చూడండి

ఫ్లోరిడాలో హరికేన్ మిల్టన్ బీభత్సం సృష్టించింది. మిల్టన్ విలయాన్ని కళ్లకు కట్టే ఈ భయానక ఫోటోలను చూడండి.

హరికేన్ మిల్టన్ కారణంగా 10 మంది మరణించారని హోంల్యాండ్ సెక్యూరిటీ సెక్రటరీ అలెజాండ్రో మయోర్కాస్ వైట్ హౌస్ బ్రీఫింగ్ లో పేర్కొన్నారు. మొత్తంగా ఈ ప్రకృతి విపత్తు వల్ల 16 మంది చనిపోయారని చెప్పారు.

ఒకప్పుడు సందడిగా ఉన్న నగరం ఇప్పుడు అంధకారంలో మునిగిపోయింది. poweroutage.us ప్రకారం, మిల్టన్ హరికేన్ కారణంగా 3.4 మిలియన్లకు పైగా గృహాలు, వ్యాపారాలకు విద్యుత్తు సరఫరా నిలిచిపోయింది. దాంతో, వైద్య చికిత్సల వంటి అత్యవసర సేవలకు కూడా అంతరాయం ఏర్పడింది.

సుమారు 80,000 మంది ప్రజలు షెల్టర్లలో రాత్రంతా గడిపారు, 15 ఫ్లోరిడా కౌంటీలలో తరలింపు ఆదేశాల తరువాత వేలాది మంది షెల్టర్లలోకి వెళ్లిపోయారు, ఇది మొత్తం 7.2 మిలియన్ల జనాభాను ప్రభావితం చేసింది.

2024 అక్టోబర్ 10, గురువారం, ఫ్లాలోని పాల్మెట్టోలో మిల్టన్ తుఫాను వల్ల తమ ఇల్లు పూర్తిగా ధ్వంసం కావడంతో కారులోనే నిద్రిస్తున్న సబోరియా (4, మెస్సియా టైలర్ (3).

 ఫ్లోరిడాలోని క్లియర్వాటర్లో మిల్టన్ హరికేన్ కారణంగా భారీ వర్షం కురియడంతో ఒక అపార్ట్మెంట్ సెల్లార్ దాదాపు పూర్తిగా నీటిలో మునిగింది.

ఒక మొసలి రోడ్డులో నిలిచిన వరద నీటిలో వెళ్తూ కనిపించింది. మిల్టన్ తుఫాను తరువాత నివాస ప్రాంతాల్లోనూ ఇవి కనిపించాయి.

ఈ సమయంలో బాధితులకు హాని కలిగించే తప్పుడు సమాచారాన్ని వ్యాప్తి చేయవద్దని అధ్యక్షుడు బైడెన్ కోరారు. ఇలాంటి అసత్యాలను ప్రచారం చేసే వారు ప్రస్తుతం జరుగుతున్న రెస్క్యూ, రికవరీ ప్రయత్నాలపై విశ్వాసాన్ని దెబ్బతీస్తున్నారని బైడెన్ పేర్కొన్నారు.

కొందరు తమ పెంపుడు జంతువులను వెంట తీసుకెళ్లే ప్రయత్నం చేశారు.

ఫ్లోరిడాలోని సియెస్టా కీలో మిల్టన్ తుఫాను తరువాత శిథిలాలతో నిండిన వీధి, టోర్నడోల కారణంగా టంపా బే ప్రాంతంలోని నివాసాలను వరద నీరు ముంచెత్తింది.