Suriya: అభిమానులకు విందు ఇచ్చిన స్టార్ హీరో సూర్య.. కారణమిదే

తమిళ స్టార్ హీరో సూర్య.. తన అభిమానులకు భోజన విందు ఇచ్చారు. మిగ్‍జాం తుఫాన్ సమయంలో సహాయక చర్యల్లో పాల్గొన్న తన ఫ్యాన్స్‌కు ఈ పార్టీ ఇచ్చారు.

గతేడాది మిగ్‍జాం తుఫాన్ తమిళనాడుపై తీవ్ర ప్రభావాన్ని చూపగా.. ప్రజలకు తీవ్ర కష్టాలు ఎదురయ్యాయి. అయితే, ప్రజలకు సాయం చేయాలని తన అభిమానులను సూర్య కోరారు. ఆయన సూచన మేరకు చాలా మంది ఫ్యాన్స్.. అప్పుడు సహాయక చర్యలు చేపట్టారు.

ఈ తుఫాన్ సహాయక చర్యల్లో సేవలు అందించిన తన అభిమానుల కోసం ఇప్పుడు చెన్నైలో విందు ఏర్పాటు చేశారు సూర్య. తమిళనాడులోని పలు జిల్లాల నుంచి సూర్య అభిమానులు ఈ విందులో పాల్గొన్నారు. 

అభిమానులకు స్వయంగా భోజనం కూడా వడ్డించారు సూర్య. చాలా మందితో ఫొటోలు కూడా దిగారు. 

సూర్య ప్రస్తుతం కంగువ సినిమా చేస్తున్నారు. ఈ ఫ్యాంటసీ యాక్షన్ థ్రిల్లర్ మూవీకి శివ దర్శకత్వం వహిస్తున్నారు. భారీ బడ్జెట్‍తో రూపొందుతున్న ఈ చిత్రం ఈ ఏడాదే విడుదల కానుంది.