Sneezing: తుమ్మేటప్పుడు నోరు, ముక్కు గట్టిగా మూసుకుంటే ఎంత ప్రమాదమో తెలుసా?

చాలా మంది తుమ్మినప్పుడు ముక్కు, నోటిని గట్టిగా మూసుకుంటారు. తమ్మేటప్పుడు ఆ తుంపరలు ఎదుటివారిపై పడకుండా రుమాలును అడ్డుపెట్టుకోవడం మంచిది, కానీ ముక్కు నోటిని గట్టిగా మూయడం మాత్రం ప్రాణాంతకం కావచ్చు. 

 తుమ్మినప్పుడు, దగ్గినప్పుడు ముక్కు, నోటిని తేలికగా కప్పుకోవాలని వైద్యులు చెబుతారు కానీ, గట్టిగా అదమాలని చెప్పరు. ఇలా చేయడం వల్ల రిస్క్ పెరుగుతుందని వైద్యులు చెబుతున్నారు. 

తుమ్మిన సమయంలో నోటిలోని గాలి గంటకు 160 కి.మీ వేగంతో బయటకు వస్తుంది. ఈ సమయంలో ముక్కు, నోటిని గట్టిగా మాయడం వల్ల వల్ల చెవి దెబ్బతింటుంది. దీంతో వెంటనే కర్ణభేరి పగిలిపోయే అవకాశం ఉంది. అంతే కాకుండా చాలామందికి అన్నవాహిక, ఊపిరితిత్తులు కూడా ప్రభావితమవుతాయి.

తుమ్ముల నుండి వచ్చే ఒత్తిడి మెదడు నరాలను చీల్చుతుందని అధ్యయనం చెబుతోంది. తుమ్మును బలవంతంగా బయటికి రాకుండా ఆపడంవ వల్ల మెదడులో రక్తస్రావం అయ్యే అవకాశం ఉంది.

కాబట్టి తుమ్మేటప్పుడు ముక్కు, నోటిని గట్టిగా చేత్తో అదమడం వంటివి చేయవద్దు. ముక్కు, నోరు తేలికగా రుమాలుతో కప్పుకోవాలి. బయటికి వచ్చే తుమ్ము, గాలిని మాత్రం అడ్డుకోకూడదు.