తెలుగు న్యూస్ / ఫోటో /
Mpox Alert In India : పాకిస్థాన్‌కు ఎంపాక్స్.. అప్రమత్తమైన భారత్.. విమానాశ్రయాల్లో హై అలర్ట్
Aug 20, 2024, 05:46 AM , IST
- Mpox Alert In India : ఎంపాక్స్‌తో ప్రపంచంలోని వివిధ ప్రాంతాల్లో తలనొప్పిగా మారుతోంది. ఆఫ్రికా, యూరప్ లోని వివిధ దేశాల్లో ఎంపాక్స్ ను గుర్తించారు. భారత్ పొరుగున ఉన్న పాకిస్థాన్‌కు కూడా వచ్చింది. ఈ నేపథ్యంలో భారత ప్రభుత్వం ముందస్తు జాగ్రత్తలు తీసుకుంది.
- Mpox Alert In India : ఎంపాక్స్‌తో ప్రపంచంలోని వివిధ ప్రాంతాల్లో తలనొప్పిగా మారుతోంది. ఆఫ్రికా, యూరప్ లోని వివిధ దేశాల్లో ఎంపాక్స్ ను గుర్తించారు. భారత్ పొరుగున ఉన్న పాకిస్థాన్‌కు కూడా వచ్చింది. ఈ నేపథ్యంలో భారత ప్రభుత్వం ముందస్తు జాగ్రత్తలు తీసుకుంది.
(1 / 5)
ఎంపాక్స్ పాకిస్తాన్ చేరుకుంది. ఈ నేపథ్యంలో భారత్‌‍లోని అన్ని విమానాశ్రయాలు అప్రమత్తంగా ఉండాలని కేంద్ర ఆరోగ్య మంత్రిత్వ శాఖ ఆదేశాలు జారీ చేసింది. అదే సమయంలో బంగ్లాదేశ్, పాకిస్థాన్ వద్ద ఉన్న సరిహద్దు అధికారులు కూడా అప్రమత్తంగా ఉండాలని ఆదేశించారు. విదేశాల నుంచి వచ్చే వారిలో లక్షణాలు కనిపిస్తే జాగ్రత్తగా ఉండాలని కేంద్రం కోరినట్లు పీటీఐ వార్తా సంస్థ తెలిపింది.
(2 / 5)
ఎంపాక్స్ సోకిన వారికి చికిత్స అందించడం, లక్షణాలు ఉన్నవారిని ఐసోలేషన్ చేయడం, నిర్వహణ కోసం కేంద్రం మూడు నోడల్ ఆసుపత్రులను గుర్తించింది. వీటిలో రామ్ మనోహర్ లోహియా హాస్పిటల్, సఫ్దర్ జంగ్ హాస్పిటల్, లేడీ హార్డింజ్ కాలేజ్ ఉన్నాయి. అలాంటి ఆసుపత్రులను గుర్తించాలని కేంద్రం అన్ని రాష్ట్ర ప్రభుత్వాలను కోరినట్లు విశ్వసనీయ వర్గాలు తెలిపాయి.
(3 / 5)
భారత్‌లో ఇప్పటి వరకు ఒక్క కేసు కూడా నమోదు కాలేదని అధికారులు తెలిపారు. అయితే భారత ప్రభుత్వం ఇప్పటికే దీనికి సిద్ధంగా ఉంది. ప్రధాని నరేంద్ర మోదీ ప్రిన్సిపల్ సెక్రటరీ పీకే మిశ్రా ఆదివారం ఉన్నతస్థాయి సమావేశం నిర్వహించారు. ప్రస్తుతానికి భారత్‌లో పెద్ద ఎత్తున విజృంభించే అవకాశాలు తక్కువగా ఉన్నాయి.
(4 / 5)
ఇదిలావుండగా, పాకిస్థాన్ లో సోమవారం మరో కొత్త కేసు వెలుగుచూసింది. దీంతో పాకిస్థాన్ లో బాధితుల సంఖ్య నాలుగుకు చేరింది. ఆ వ్యక్తి సౌదీ అరేబియాలోని జెడ్డా నుంచి పాకిస్థాన్ కు తిరిగి వచ్చాడని పీటీఐ వార్తా సంస్థ తెలిపింది. ప్రస్తుతం ఆయన ఇస్లామాబాద్ లోని పాకిస్థాన్ ఇన్ స్టిట్యూట్ ఆఫ్ మెడికల్ సైన్సెస్ లో చికిత్స పొందుతున్నారు.
(5 / 5)
ఎంపాక్స్ వ్యాప్తి చెందకుండా పరీక్షలకు ప్రాధాన్యమివ్వాలని ఆరోగ్య మంత్రిత్వ శాఖ ఆదేశించింది. ఎంపాక్స్ ను త్వరగా గుర్తించేందుకు ప్రయోగశాలలను సిద్ధం చేయాలి. ప్రస్తుతం భారత్ లో 32 ల్యాబొరేటరీలు ఎంపాక్స్ ను పరీక్షించగలవు. ఎంపాక్స్ కు ఎలా చికిత్స చేయాలో స్పష్టం చేయాలని ప్రధాని ప్రిన్సిపల్ సెక్రటరీ ఆదేశించారు.
ఇతర గ్యాలరీలు