White Teeth : దంతాలు తెల్లగా తలతల మెరిసిపోయేందుకు చిట్కాలు

మీ దంతాలను తెల్లగా చేసుకోవాలనుకుంటే కొన్ని టిప్స్ కచ్చితంగా పాటించాలి. దానితోపాటుగా మీ చిగుళ్ళను బలోపేతం చేసుకునేందుకు కొన్ని వదిలుకోవాలి.

ధూమపానం లేదా పొగాకు నమలడం వల్ల దంతాలు పసుపు రంగులోకి మారుతాయి. దంతాల ఆరోగ్యానికి ధూమపానానికి దూరంగా ఉండటం చాలా అవసరం. పొగాకును అస్సలు నమలకూడదు. చిగుళ్లు పాడవుతాయి.

దంతాల తెల్లబడటం చికిత్స స్టెయిన్‌లను తొలగిస్తుంది. దంతాల ఎనామెల్‌ను బ్లీచింగ్ చేయడం ద్వారా చిరునవ్వును ప్రకాశవంతం చేస్తుంది.  మీరు ఈ చికిత్స గురించి ఆలోచించవచ్చు.

ఆరోగ్యకరమైన దంతాలను కాపాడుకోవడం అంటే కేవలం బ్రష్ చేయడం మాత్రమే కాదు. ఫ్లాసింగ్ చేయడం కూడా కాదు.. పోషకాలను అందించే సమతుల్య ఆహారం తీసుకోవడంపై దృష్టి పెట్టడం.  మంచి ఆహారం తీసుకుంటే మీ దంతాలు కచ్చితంగా తెల్లగా ఉంటాయి.

ఆపిల్ వంటి పండ్లు, క్యారెట్, సెలెరీ వంటి కూరగాయలు దంత ఆరోగ్యానికి గొప్ప ఎంపికలు. అయితే రోజూ ఉదయం, రాత్రి పడుకునే ముందు కూడా దంతాలను బ్రష్ చేయాలి. అప్పుడే మీ దంతాలు ఆరోగ్యంగా, తెల్లగా ఉంటాయి.

పాలు, జున్ను, పెరుగు వంటి పాల ఉత్పత్తులలో కాల్షియం, ఫాస్పరస్ పుష్కలంగా ఉంటాయి. దంతాలు, ఎనామెల్‌ను బలోపేతం చేయడానికి ఈ ఖనిజాలు అవసరం. వీటిని క్రమం తప్పకుండా తీసుకుంటే మీ దంతాలు బలంగా తయారవుతాయి.