Heeramandi OTT Release: సంజయ్ లీలా భన్సాలీ ‘హీరామండి’ వెబ్ సిరీస్ ఓటీటీలో ఎప్పుడు.. ఎక్కడ చూడొచ్చు?

బాలీవుడ్ లెజెండరీ ఫిల్మ్ మేకర్ సంజయ్ లీలా భన్సాలీ ఎంతో ప్రతిష్టాత్మకంగా ‘హీరామండి: ది డైమండ్ బజార్’ వెబ్ సిరీస్ రూపొందించారు. ఇప్పటి వరకు ఎన్నో భారీ చిత్రాలను తెరకెక్కించిన భన్సాలీకి ఓటీటీలో ఇది తొలి వెబ్ సిరీస్.

హీరామండి వెబ్ సిరీస్‍లో మనీషా కోయిరాలా, సోనాక్షి సిన్హా, ఆదితి రావ్ హైదరీ, రిచా చద్ధా, సంజీదా షేక్, షార్మీన్ సేగర్ ప్రధాన పాత్రలు పోషించారు. 

హీరామండి వెబ్ సిరీస్ మే 1వ తేదీన నెట్‍ఫ్లిక్స్ ఓటీటీ ప్లాట్‍పామ్‍లో స్ట్రీమింగ్‍కు రానుంది. ఈ చిత్రానికి దర్శకత్వం, సంగీతం అందించటంతో పాటు భారీ బడ్జెట్‍తో స్వయంగా నిర్మించారు సంజయ్ లీలా భన్సాలీ. 

పీరియడ్ డ్రామాగా హీరామండి సిరీస్ రూపొందింది. భారత స్వాతంత్య్రానికి ముందు 1940ల కాలం నాటి బ్యాక్‍డ్రాప్‍లో ఈ సిరీస్ ఉంటుంది. హీరామండి అనే రెడ్‍లైట్ ప్రాంతం గురించి, తవైఫ్స్ జీవితాలు, అక్కడి ఆధిపత్య పోరు సహా మరిన్ని అంశాల గురించి ఈ సిరీస్‍లో భన్సాలీ తెరకెక్కించారు.

2021లోనే హీరామండి వెబ్ సిరీస్‍ను సంజయ్ లీలా భన్సాలీ ప్రకటించారు. 2022 జూన్‍లోనే షూటింగ్ మొదలైంది. అయితే, వివిధ కారణాల వల్ల ఆలస్యమవుతూ వచ్చింది. ఎట్టకేలకు 2024 మే 1వ తేదీన ఈ గ్రాండ్ వెబ్ సిరీస్ నెట్‍ఫ్లిక్స్ ఓటీటీలో స్ట్రీమింగ్‍‍కు రానుంది.