Family Star Holi: జనాలతో హోలీ సెలెబ్రేట్ చేసుకున్న విజయ్ దేవరకొండ, మృణాల్ ఠాకూర్.. హుషారుగా డ్యాన్స్: ఫొటోలు

ఫ్యామిలీ స్టార్ సినిమా ప్రమోషన్లలో భాగంగా మూవీ టీమ్ నేడు (మార్చి 25)హైదరాబాద్‍లో ప్రజలతో కలిసి హోలీ వేడుకలు జరుపుకుంది.  హీరో విజయ్ దేవరకొండ, హీరోయిన్ మృణాల్ ఠాకూర్, నిర్మాత దిల్‍రాజుతో పాటు మరికొందరు ఈ వేడుకలకు హాజరయ్యారు.  

విజయ్ దేవరకొండ, మృణాల్ ఠాకూర్ పరస్పరం రంగులు పూసుకున్నారు. టీమ్ సభ్యులు కూడా రంగులు జల్లుకున్నారు. ప్రజలతో కలిసి సంబరాలు చేసుకున్నారు. 

ఈ హోలీ సెలెబ్రేషన్లలో స్టేజీపై విజయ్ దేవరకొండ, మృణాల్ ఠాకూర్ డ్యాన్స్ చేశారు. ఫ్యామిలీ స్టార్ మూవీలోని ‘కల్యాణి వచ్చా.. వచ్చా’ పాటకు హుషారుగా చిందేశారు. 

హోలీ సంబరాల్లో పాల్గొన్న ప్రజలతో ఫొటోలు దిగారు ఫ్యామిలీ స్టార్ మూవీ టీమ్ సభ్యులు. ప్రేక్షకులతో హీరో విజయ్ దేవరకొండ సెల్ఫీ తీసుకున్న దృశ్యమిది. 

ఫ్యామిలీ స్టార్ సినిమా ఏప్రిల్ 5వ తేదీన థియేటర్లలో రిలీజ్ కానుంది. పరుశురామ్ దర్శకత్వం వహిస్తున్న ఈ చిత్రానికి గోపీసుందర్ సంగీతం అందిస్తున్నారు. ఈ మూవీ నుంచి ‘మధురము కదా’ అనే మూడో పాట నేడు (మార్చి 25) వచ్చింది. 
గీతగోవిందం తర్వాత విజయ్ - పరశురాం కాంబో మళ్లీ రిపీట్ అవుతోంది.