IPL 2024: ‘అందుకే ఐపీఎల్ 2024 నుంచి తప్పుకుంటున్నా’: ఢిల్లీ క్యాపిటల్స్‌కు షాకిచ్చిన ఇంగ్లండ్ స్టార్

ఇండియన్ ప్రీమియర్ లీగ్ (IPL) 2024 సీజన్‍లో ఢిల్లీ క్యాపిటల్స్ (DC) జట్టుకు ఎదురుదెబ్బ తగిలింది. ఈ సీజన్ నుంచి ఇంగ్లండ్ యంగ్ స్టార్ బ్యాటర్ హారీ బ్రూక్ తప్పుకున్నాడు. 

తన నానమ్మ ఫిబ్రవరిలో మృతి చెందారని, ఇలాంటి సమయంలో తాను కుటుంబంతో ఉండాల్సిన అవసరం ఉందని హారీ బ్రూక్ నేడు (మార్చి 13) వెల్లడించాడు. 

ఢిల్లీ క్యాపిటల్స్ తరఫున ఆడాలని తనకు ఉత్సాహంగా ఉందని, కానీ వ్యక్తిగత కారణంతో ఈ సీజన్ నుంచి తప్పుకుంటున్నానని హ్యారీ బ్రూక్ పేర్కొన్నాడు. 

ఐపీఎల్ 2024 సీజన్ కోసం మినీ వేలంలో రూ.4కోట్లకు బ్రూక్‌ను ఢిల్లీ క్యాపిటల్స్ కొనుగోలు చేసింది. దీంతో గతేడాది హైదరాబాత్ తరఫున ఆడిన బ్రూక్ ఢిల్లీకి వెళ్లాడు. అయితే, ఈ సీజన్ నుంచి తప్పుకున్నాడు బ్రూక్. 

ఐపీఎల్ 2024 సీజన్ మార్చి 22న మొదలుకానుంది. ఢిల్లీ క్యాపిటల్స్ తన తొలి మ్యాచ్‍ను మార్చి 23వ తేదీన పంజాబ్ కింగ్స్ జట్టుతో ఆడనుంది.