Viral : చిన్నారులపైకి దూసుకెళ్లిన వాహనం.. క్షణాల్లోనే..!
Speeding car rams into kids : సైకిల్ మీద వెళుతున్న చిన్నారులపైకి ఓ వాహనం దూసుకెళ్లిన ఘటన రాజస్థాన్లో చోటుచేసుకుంది. ఘటనకు సంబంధించిన దృశ్యాలు సామాజిక మాధ్యమాల్లో వైరల్గా మారాయి.
Speeding car rams into kids : రాజస్థాన్ హనుమాన్గఢ్లో దారుణ ఘటన వెలుగులోకి వచ్చింది. సైకిల్ మీద వెళుతున్న ఇద్దరు చిన్నారులపైకి ఓ కారు అతివేగంతో దూసుకెళ్లింది. ఈ ఘటనలో.. ఇద్దరు చిన్నారులు గాలిలోకి ఎగిరిపడ్డారు.
హనుమాన్గఢ్ నోహర్లోని జసన గ్రామంలో జరిగింది ఈ ఘటన. సామాజిక మాధ్యమాల్లో వైరల్గా మారిన దృశ్యాలు.. స్థానిక సీసీటీవీ కెమెరాకు చిక్కాయి.
వీడియో ప్రకారం.. ఇద్దరు చిన్నారులు.. సైకిల్పై రోడ్డు మీదకు బయలుదేరారు. వాస్తవానికి అలాంటి చిన్న రోడ్ల మీద.. తక్కువ వేగంతో వాహనాలు నడపాలి. కానీ ఓ వాహనం మాత్రం.. అతివేగంతో దూసుకెళ్లింది. ఫలితంగా ఆ చిన్నారులు గాలిలోకి ఎగిరి పక్కకు పడిపోయారు. వాళ్లని పట్టించుకోకుండా.. కారు అక్కడి నుంచి మరింత వేగంతో వెళ్లిపోయింది.
వీడియోలో.. ఇంకో సైకిల్ మీద ఓ బాలుడు కూడా కనిపిస్తున్నాడు.
ఘటనలో తీవ్రంగా గాయపడిన 10ఏళ్ల రాబిన్, 12ఏళ్లు సురేంద్రను స్థానికులు ఆసుపత్రికి తరలించారు. వారి పరిస్థితి విషమంగా ఉన్నట్టు సమాచారం.
ఘటనపై పోలీసులకు ఎవరు ఫిర్యాదు చేయలేదు. ఫిర్యాదు అందిన తర్వాత.. తగిన చర్యలు తీసుకుంటామని పోలీసులు చెప్పారు.
