Car chase in New York : ఫాస్ట్ అండ్ ఫ్యూరియస్ తరహా 'ఛేజ్'.. వీడియో వైరల్!
Car chase scene in New York : న్యూయార్క్ వీధుల్లో ఫాస్ట్ అండ్ ఫ్యూరియస్ సినిమా రేంజ్లో ఓ యాక్షన్ ఛేజింగ్ సీన్ చోటుచేసుకుంది. ఓ కారు, మరో కారును వెంబడించి ఢీకొట్టింది. చివరికి ఏమైందంటే..
Car chase scene in New York : అమెరికా న్యూయార్క్ వీధుల్లో ఫాస్ట్ అండ్ ఫ్యూరియస్ సినిమా తరహా ఛేజింగ్ సీన్ జరిగింది. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్గా మారాయి.
ట్రెండింగ్ వార్తలు
ఈ ఘటన శనివారం జరిగినట్టు తెలుస్తోంది. ఓ బ్లాక్ మెర్సిడీస్ కారు.. ఓ టయోటా ఆర్ఏవీ4ని ఢీకొట్టింది. మెర్సిడీస్ నుంచి తప్పించుకునేందుకు టయోటా కారు విపరీతంగా ప్రయత్నించింది. కానీ మెర్సిడీస్ కారు.. టయోటా కారును పలుమార్లు ఢీకొట్టింది. అచ్చం సినిమాల్లో ఛేజింగ్ సీన్లు చూపించినట్టుగానే శబ్ధాలు వచ్చాయి.
చివరికి.. టయోటా కారు ఆగిపోయింది. ఈ క్రమంలో బ్లాక్ మెర్సిడీస్ కారులో నుంచి దిగిన ఓ యువకుడు.. టయోటా కారు అద్దాలను పగలగొట్టేందుకు ప్రయత్నించాడు. ఆ తర్వాత.. డ్రైవర్ నుంచి ఓ బ్యాగు లాగేసుకుని, మెర్సిడీస్ కారులో అక్కడి నుంచి తప్పించుకున్నాడు.
ఈ ఘటనను అక్కడే ఉన్న స్థానికుడు తన ఫోన్లో చిత్రీకరించాడు. "అతని వద్ద గన్ ఉంది. అతని వద్ద గన్ ఉంది," అంటూ.. ఓ వ్యక్తి అరవడం వీడియోలో రికార్డు అయ్యింది.
ఘటనపై పోలీసులు దర్యాప్తు చేపట్టారు. దొంగతనానికి గురైన బ్యాగులో 20వేల డాలర్లు ఉన్నట్టు తెలుస్తోంది. ఈ ఘటనకు సంబంధించి ఇంకా ఎవరిని అరెస్ట్ చేయలేదు.
సామాజిక మాధ్యమాల్లో వైరల్గా మారిన వీడియోను ఇక్కడ చూడండి:
సంబంధిత కథనం