Turkey bomb blast : టర్కీ పార్లమెంట్​కు​ సమీపంలో బాంబు పేలుడు!

Turkey bomb blast : టర్కీ రాజధాని అంకారాలో జరిగిన ఉగ్రదాడి కలకలం సృష్టించింది. పార్లమెంట్​ భవనానికి సమీపంలో ఓ వ్యక్తి ఆత్మహుతి దాడికి పాల్పడాడు. ఈ ఘటనలో ఇద్దరు పోలీసులు స్వల్పంగా గాయపడ్డారని సమాచారం.

కాగా.. ఆత్మహుతి దాడి జరిగిన ప్రాంతానికి కొద్ది దూరంలో.. మరో వ్యక్తి కాల్పులకు తెగబడ్డాడు. కొద్ది సేపటి తర్వాత.. పోలీసులు అతడిని హతమార్చారు.

"ఇద్దరు ఉగ్రవాదులు.. మిలిటరీ వెహికిల్​లో ఉదయం 9:30 గంటలకు వచ్చారు. ఇంటీరియర్​ మినిస్ట్రీలోని జనరల్​ డైరెక్టరేట్​ ఆఫ్​ సెక్యురిటీ విభాగం ఉన్న గేట్​ వద్దకు వెళ్లారు. అక్కడ పేలుడు సంభవించింది," అని చెబుతూ.. ఇదొక ఉగ్రవాద ఘటన అని టర్కీ ప్రభుత్వం వెల్లడించింది.

Turkey terrorist attack : అంకారాలో ఇంకొన్ని గంటల్లో పార్లమెంట్​ సమావేశలు మొదలవ్వాల్సి ఉంది. ఈ నేపథ్యంలో పార్లమెంట్​ భవనానికి సమీపంలో పేలుడు సంభవించడం తీవ్ర కలకలం సృష్టించింది.

పార్లమెంట్​కు సమీపంలో భద్రతను కట్టుదిట్టం చేశారు అధికారులు. రంగంలోకి దిగిన బాంబ్​ స్క్వాడ్​లు.. ఆ ప్రాంతంలో తనిఖీలు చేపడుతున్నాయి.

ఈ ఘటనపై దర్యాప్తు చేపడుతున్నట్టు టర్కీ ప్రభుత్వం ప్రకటించింది. ప్రస్తుతానికైతే.. ఘటనాస్థలంలోకి, పరిసర ప్రాంతాల్లోకి ఎవరిని అనుమతించడం లేదని వెల్లడించింది.

Terror attack in Turkey : టర్కీ ఉగ్రదాడికి బాధ్యులు ఎవరు? అన్న విషయంపై ప్రస్తుతానికి క్లారిటీ లేదు. కాగా.. పార్లమెంట్​కు సమీపంలో బాంబు పేలుడు ఘటనకు సంబంధించిన దృశ్యాలు సోషల్​ మీడియాలో వైరల్​గా మారాయి.

టర్కీ రాజధాని నగరం అంకారాలో బాంబు పేలుడు ఘటనలు.. అక్కడి ప్రజలను భయపెడుతూనే ఉన్నాయి. ముఖ్యంగా 2015, 2016 సమయంలో నిషేధిత పీకేకే (కుర్దిస్థాన్​ వర్కర్స్​ పార్టీ) వేర్పాటువాద కార్యకలాపాలతో అంకారా అట్టుడికింది.